രഹ്ന അശ്ലീലത പ്രചരിപ്പിക്കുന്നു; മുന്‍കൂര്‍ ജാമ്യാപേക്ഷ സുപ്രീംകോടതി തള്ളി

ന്യൂഡല്‍ഹി: നഗ്ന ശരീരത്തില്‍ കുട്ടികളെക്കൊണ്ട് ചിത്രം വരപ്പിച്ച സംഭവത്തിൽ ആക്​റ്റിവിസ്​റ്റ്​ രഹ്ന ഫാത്തിമയുടെ മുന്‍കൂര്‍ ജാമ്യാപേക്ഷ സുപ്രീംകോടതി തള്ളി. രഹ്ന ഫാത്തിമ അശ്ലീലതയാണ്​ പ്രചരിപ്പിച്ചതെന്ന്​ വിമർശിച്ച സുപ്രീംകോടതി നഗ്നശരീരത്തിൽ ചിത്രം വരപ്പിച്ച നടപടി കുട്ടികളെ ഉപയോഗിച്ചുള്ള ലൈംഗിക കുറ്റകൃത്യങ്ങളുടെ പരിധിയിൽ വരുമെന്നും ചൂണ്ടിക്കാട്ടി.

നഗ്ന ശരീരത്തില്‍ കുട്ടികളെക്കൊണ്ട് ചിത്രം വരപ്പിച്ചത് വീഡിയോ എടുത്ത് സമൂഹ്യ മാധ്യമങ്ങളില്‍ പ്രചരിപ്പിച്ച കേസിൽ രഹ്നയുടെ മൂൻകൂർ ജ്യാമ്യാ​േപക്ഷ ​െഹൈകോടതിയും തള്ളിയിരുന്നു. സുപ്രീംകോടതിയിൽ സംസ്ഥാന സർക്കാറും മുൻകൂർ ജാമ്യം അനുവദിക്കുന്നത്​ എതിർത്തു.

കലയുടെ ആവിഷ്‌കാരവും ഇതിനൊപ്പം തൻെറ ആശയങ്ങള്‍ പ്രചരിപ്പിക്കലുമാണ് ദൃശ്യങ്ങളിലൂടെ ലക്ഷ്യമിട്ടതെന്ന രഹ്നയുടെ വാദം സുപ്രീംകോടതി തള്ളി. രഹ്നയുടെ നടപടി അസംബന്ധമാണെന്നും അത്​ എന്തു സന്ദേശമാണ് ഇത് കുട്ടികള്‍ക്ക് നല്‍കുയെന്നും കോടതി ആരാഞ്ഞു. ചിത്രം വരപ്പിച്ചത് അശ്ലീലതയുടെ പരിധിയില്‍ വരുമെന്നും അത്​ പ്രചരിപ്പിച്ചത്​ തെറ്റാണ്​. സമൂഹത്തിൽ​ അശ്ലീലതയാണോ പ്രചരിപ്പിക്കുന്നതെന്നും കോടതി ചോദിച്ചു.

രഹ്ന ഫാത്തിമക്ക്​ വേണ്ടി മുതിർന്ന അഭിഭാഷകന്‍ ഗോപാല്‍ ശങ്കര നാരായണ്‍, അഭിഭാഷകന്‍ രഞ്ജിത്ത് മാരാര്‍ എന്നിവരാണ്​ ഹാജരായത്​.

ത​െൻറ നഗ്നശരീരത്തിൽ കുട്ടികളെ കൊണ്ട്​ ചിത്രം വരപ്പിച്ച സംഭവത്തിൽ രഹ്ന ഫാത്തിമക്കെതിരെ പോക്‌സോ വകുപ്പിലെ, സെക്ഷന്‍ 13,14,15 കൂടാതെ ജാമ്യമില്ലാ വകുപ്പുകളായ സെക്ഷന്‍ 67,75, 120 (എ) എന്നിവയും ചുമത്തിയിരുന്നു.