Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകൊറോണിൽ​ കോവിഡ്​...

കൊറോണിൽ​ കോവിഡ്​ ഭേദമാക്കുമെന്ന്​ തെറ്റിദ്ധരിപ്പിച്ചു; പതഞ്ജലിക്ക്​ 10 ലക്ഷം രൂപ പിഴ

text_fields
bookmark_border
കൊറോണിൽ​ കോവിഡ്​ ഭേദമാക്കുമെന്ന്​ തെറ്റിദ്ധരിപ്പിച്ചു; പതഞ്ജലിക്ക്​ 10 ലക്ഷം രൂപ പിഴ
cancel

ചെന്നൈ: കൊറോണിൽ എന്ന മരുന്ന് കോവിഡ് ഭേദമാക്കുമെന്ന് ജനങ്ങളെ തെറ്റിദ്ധരിപ്പിച്ചതിന് ബാബാ രാംദേവി​െൻറ പതഞ്ജലിക്ക്​ 10 ലക്ഷം രൂപ പിഴയീടാക്കി മദ്രാസ് ഹൈക്കോടതി. കോവിഡിനെ ചൊല്ലിയുള്ള ജനങ്ങളുടെ പരിഭ്രാന്തിയും ഭയവും അവർ ചൂഷണം ചെയ്യുകയാണെന്നും കേവലം പ്രതിരോധ ശേഷി വർധിപ്പിക്കുക മാത്രമാണ്​ പതഞ്ജലിയുടെ മരുന്ന്​ ചെയ്യുന്നതെന്നും കോടതി ചൂണ്ടിക്കാട്ടി.

അതേസമയം, മരുന്നിന്​ കൊറോണിൽ എന്ന പേര്​​ ഉപയോഗിക്കുന്നതും കോടതി വിലക്കിയിട്ടുണ്ട്​. ചെന്നൈ അടിസ്ഥാനമാക്കിയുള്ള ​അരുദ്ര എഞ്ചിനീയേഴ്സ് പ്രൈവറ്റ് ലിമിറ്റഡാണ് കൊറോണിൽ എന്ന പേര് ഉപയോ​ഗിക്കുന്നതിനെതിരെ കോടതിയെ സമീപിച്ചത്.

1993മുതൽ കൊറോണിൽ എന്ന ട്രേഡ്​ മാർക്​ തങ്ങളുടെ പേരിലാണെന്നും കൊറോണിൽ-213എസ്പിഎൽ, കൊറോണിൽ 92ബി എന്നിവ തങ്ങളുടെ വ്യാവസായിക ശുചീകരണ കെമിക്കലി​െൻറ പേരായി രജിസ്റ്റർ ചെയ്തിട്ടുള്ളതാണെന്നാണ് അരുദ്രയുടെ പരാതി. 2027 വരെ ആർക്കും കൊറോണിൽ എന്ന പേര്​ ഉപയോഗിക്കാൻ കഴിയില്ലെന്നും കമ്പനി വ്യക്​തമാക്കിയിട്ടുണ്ട്​.

''പതഞ്ജലിയും ദിവ്യ യോ​ഗ് മന്ദിർ ട്രസ്റ്റും പറഞ്ഞുകൊണ്ടേയിരിക്കുന്നത് അവരുടേത് 10000 കോടിയുടെ കമ്പനിയാണെന്നാണ്. എന്നിട്ടും കോവിഡിനെ ചൊല്ലിയുള്ള ജനങ്ങളുടെ പരിഭ്രാന്തിയും ഭയവും അവർ ചൂഷണം ചെയ്യുകയാണ്. കൊറോണിൽ കോവിഡ് ഭേദമാക്കുമെന്ന് ജനങ്ങളെ തെറ്റിദ്ധരിപ്പിക്കുന്നു. എന്നാൽ ചുമയ്ക്കും ജലദോഷത്തിനും പനിക്കും ഉപയോ​ഗിക്കാവുന്ന പ്രതിരോധ ശേഷി വർധിപ്പിക്കുന്ന മരുന്ന് മാത്രമാണ് കൊറോണിൽ''- 104 പേജുള്ള ഉത്തരവിൽ ജസ്റ്റിസ് സി.വി കാർത്തികേയൻ വ്യക്തമാക്കി.

5 ലക്ഷം രൂപ വീതം അഡയാർ കാൻസർ ഇൻസ്റ്റിറ്റ്യൂട്ടിനും ​ഗവൺമെന്റ് യോ​ഗ ആൻറ്​ നാച്ചുറോപ്പതി മെഡിക്കൽ കോളജിനും പതഞ്ജലി നൽകണമെന്നാണ് കോടതി ഉത്തരവിട്ടിട്ടുള്ളത്​. ഈ സ്ഥാപനങ്ങൾ ഒരു അവകാശവാദവും പറയാതെ ജനങ്ങൾക്ക് സൗജന്യമായി ചികിത്സ നൽകുന്നുണ്ടെന്ന് കോടതി നിരീക്ഷിച്ചു. ആ​ഗസ്ത് 21ന് മുൻപ് പതഞ്ജലി പിഴ അടയ്ക്കണമെന്നാണ് കോടതി ഉത്തരവ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:baba ramdevPatanjali
Next Story