രാജ്യത്തെ 85 ശതമാനം കോവിഡ്​ ബാധിതരും എട്ടു സംസ്​ഥാനങ്ങളിൽനിന്ന്​

ഭോപാൽ: രാജ്യത്തെ 85.5 ശതമാനം കോവിഡ്​ രോഗികളും എട്ടു സംസ്​ഥാനങ്ങളിൽ നിന്ന്​. 87ശതമാനം മരണവും ഈ എട്ടു സംസ്​ഥാനങ്ങളിൽനിന്നുതന്നെ. കോവിഡ്​ വ്യാപനം ചർച്ച ചെയ്യാൻ വിളിച്ച യോഗത്തിൽ കേന്ദ്ര ആരോഗ്യമന്ത്രി ഹർഷവർധൻ അറിയിച്ചതാണ്​ ഇക്കാര്യം.

മഹാരാഷ്​​ട്ര, തമിഴ്​നാട്​, ഡൽഹി, തെലങ്കാന, ഗുജറാത്ത്​, ഉത്തർപ്രദേശ്​, ആന്ധ്ര പ്രദേശ്​, പശ്ചിമബംഗാൾ എന്നീ സംസ്​ഥാനങ്ങളിലാണ്​ രാജ്യത്തെ ഭൂരിഭാഗം കോവിഡ്​ കേസുകളും.

പൊതുജനാരോഗ്യ വിദഗ്​ധർ, വിവിധ ഡോക്​ടർമാർ, മുതിർന്ന ജോയിൻറ്​ സെക്രട്ടറി റാങ്കിലുള്ള ഉദ്യോഗസ്​ഥർ എന്നിവർ അടങ്ങുന്ന 15 അംഗ സംഘത്തെ ​േ​കന്ദ്രം സംസ്​ഥാനങ്ങളിലേക്ക്​ അയച്ചതായും അറിയിച്ചു. ജോയിൻറ്​ സെക്രട്ടറി ലാവ്​ അഗർവാളി​െൻറ നേതൃത്വത്തിലുള്ള സംഘം രോഗം ഏറ്റവും രൂക്ഷമായ ഗുജറാത്ത്​, മഹാരാഷ്​ട്ര, തെലങ്കാന സംസ്​ഥാനങ്ങൾ സന്ദർശിക്കുകയും കോവിഡ്​ സാഹചര്യം വിലയിരുത്തുകയും ചെയ്​തിരുന്നു.

'കോവിഡ്​ മരണം കുറക്കുകയാണ്​ സർക്കാരി​െൻറ പ്രധാന ലക്ഷ്യം. മറ്റു രാജ്യങ്ങളെ അപേക്ഷിച്ച്​ ഇന്ത്യയിലെ മരണനിരക്ക്​ വളരെ കുറവാണ്​. എങ്കിലു​ം ഓരോ ജീവനും വിലപ്പെട്ടതാണ്​. ഒാരോ മരണവും ഒഴിവാക്കുന്നതിനായി രാജ്യം പരിശ്രമിച്ചു​െകാ​ണ്ടേയിരിക്കുന്നു' -സർക്കാർ അധികൃതരിൽ ഒരാൾ അറിയിച്ചു.

കണ്ടെയ്​ൻമെൻറ്​ പ്രദേശങ്ങളിൽ കർശന നിയന്ത്രണം തുടരണമെന്നും നിരീക്ഷണം ശക്തമാക്കണമെന്നും നിർ​േദശിച്ചു. പരിശോധനകളുടെ എണ്ണം ഉയർത്തണം. ഉയർന്ന ജനസംഖ്യയുള്ള പ്രദേശങ്ങളിൽ കർശന നിരീക്ഷണം വേണം. കിടക്കകൾ, ഓക്​സിജൻ, വെൻറിലേറ്ററുകൾ മറ്റു ആരോഗ്യ സംവിധാനങ്ങൾ തുടങ്ങിയവ ഉറപ്പുവരുത്തണമെന്നും നിർദേശിച്ചു.