Top
Begin typing your search above and press return to search.
keyboard_arrow_down
Login
exit_to_app
exit_to_app
ആർട്ടിക്കിൾ 370 റദ്ദാക്കൽ പൂർണ പരാജയം; പാക്​ ആക്രമണങ്ങൾ വർധിച്ചു -കോൺഗ്രസ്​
cancel
Homechevron_rightNewschevron_rightIndiachevron_rightആർട്ടിക്കിൾ 370...

ആർട്ടിക്കിൾ 370 റദ്ദാക്കൽ പൂർണ പരാജയം; പാക്​ ആക്രമണങ്ങൾ വർധിച്ചു -കോൺഗ്രസ്​

text_fields
bookmark_border

ന്യൂഡൽഹി: ജമ്മു കശ്​മീരിന്​ പ്രത്യേക പദവി നൽകിയിരുന്ന ആർട്ടിക്കിൾ 370 റദ്ദാക്കിയ നടപടി​ പൂർണ പരാജയമാണെന്ന്​ കോൺഗ്രസ്​. പാകിസ്​താ​െൻറ ആക്രമണങ്ങളിൽനിന്ന്​ കശ്​മീർ ജനതയെ സംരക്ഷിക്കാൻ പോലും ഇതിന്​ സാധിച്ചിട്ടില്ല. പ്രധാനമന്ത്രി മോദി നുണപറയുന്നത്​ നിർത്തണമെന്ന ഹാഷ്​ടാഗോട്​ കൂടിയാണ്​ കോൺഗ്രസി​െൻറ ഔദ്യോഗിക ട്വീറ്റ്​.

ആർട്ടിക്കിൾ 370 റദ്ദാക്കുന്നതോടെ കശ്​മീർ കൂടുതൽ സുരക്ഷിതമാകുമെന്നായിരുന്നു ബി.ജെ.പി പറഞ്ഞുകൊണ്ടിരുന്നത്​. എന്നാൽ, ഇവിടെ പാകിസ്​താ​െൻറ ഭാഗത്തുനിന്ന്​ അക്രമങ്ങൾ വർധിക്കുകയാണ്​. 2019 ജനുവരി-ജൂൺ കാലയളവിൽ 1321 വെടിനിർത്തൽ കരാർ ലംഘനങ്ങളാണ്​ ഉണ്ട​യതെങ്കിൽ 2020ലെ ഇതേ കാലയളവിൽ 2300 തവണ പാകിസ്​താൻ കരാർ ലംഘിച്ചതായും കോൺഗ്രസ്​ കുറ്റപ്പെടുത്തി.

2019 ആഗസ്​റ്റ്​ അഞ്ചിനാണ്​ ജമ്മു കശ്​മീരിന്​ പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കിയത്​. ശേഷം കശ്​മീരിനെയും ലഡാക്കിനെയും രണ്ടു​ കേന്ദ്രഭരണ പ്രദേശങ്ങളായി വിഭജിക്കുകയും ചെയ്​തു. ഇതേതുടർന്ന്​ സംസ്​ഥാനമെമ്പാടും കർഫ്യൂ ഏർപ്പെടുത്തുകയും വലിയ പ്രതിഷേധം അരങ്ങേറുകയും ചെയ്​തിരുന്നു.

മുൻ മുഖ്യമന്ത്രി​ മെഹബൂബ മുഫ്​തി അടക്കം നൂറോളം രാഷ്​ട്രീയ ​നേതാക്കളെ അറസ്​റ്റ്​ ചെയ്യുകയും കരുതൽ തടങ്കലിൽ പാർപ്പിക്കുകയും ചെയ്​തു. മെഹബൂബ മുഫ്​തി ഉൾപ്പെടെ നിരവധിപേർ ഇപ്പോഴും വീട്ടുതടങ്കലിലാണ്​.

Show Full Article
TAGS:jammu kashmir union territory bjp congress pakistan 
Next Story