Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകശ്​മീരിൽ ബി.ജെ.പി...

കശ്​മീരിൽ ബി.ജെ.പി നേതാവിനെ തീവ്രവാദികൾ വെടി​വെച്ച് കൊന്നു

text_fields
bookmark_border
കശ്​മീരിൽ ബി.ജെ.പി നേതാവിനെ തീവ്രവാദികൾ വെടി​വെച്ച് കൊന്നു
cancel

കശ്​മീരിൽ ബി.ജെ.പി നേതാവിനെ തീവ്രവാദികൾ വെടി​വെച്ച് കൊന്നുശ്രീനഗർ: തെക്കൻ കശ്മീരിലെ കുൽഗാമിൽ ബി.ജെ.പി നേതാവ്​ തീവ്രവാദികളുടെ വെടിയേറ്റ്​ മരിച്ചു. ഖ്വാസിഗണ്ഡ്​ ബ്ലോക്കിൽ വെസു ഗ്രാമത്തിലെ സർപഞ്ചായ സജാദ്​ അഹമ്മദ്​ ഖണ്ഡെയാണ്​ കൊല്ലപ്പെട്ടത്​. സ്വവസതിക്ക് സമീപത്ത്​ വെച്ചാണ്​ സജാദ്​ അഹമ്മദിന്​ വെടിയേറ്റത്​. വെടിയേറ്റ സജാദ്​ അഹമ്മദിനെ ഉടൻ അനന്തനാഗിലെ ജി.എം.സി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

48 മണിക്കൂറിനുള്ളിൽ കശ്മീരിലെ ബി.ജെ.പി സർപഞ്ചിന് നേരെയുണ്ടാകുന്ന രണ്ടാമത്തെ ആക്രമണമാണിത്. ആഗസ്റ്റ് നാലിന്​ വൈകുന്നേരം അഖ്‌റാൻ ഖ്വാസിഗണ്ഡിലുണ്ടായ വെടിവെപ്പിൽ ബി.ജെ.പി നേതാവ്​ ആരിഫ് അഹ്മദിന് ഗുരുതരമായി പരിക്കേറ്റിരുന്നു.

കശ്മീർ താഴ്‌വരയിലെ രാഷ്ട്രീയ പ്രവർത്തകർക്ക് നേരെയുള്ള അതിക്രമങ്ങൾ ഉയർന്നുകൊണ്ടിരിക്കയാണ്​. ജൂൺ, ജൂലൈ മാസങ്ങളിലായി നടന്ന ആക്രമണങ്ങളിൽ ബി.ജെ.പി നേതാവ് വസീം ബാരി, കോൺഗ്രസ് സർപഞ്ച് അജയ് പണ്ഡിറ്റ്​ എന്നിവർ കൊല്ലപ്പെട്ടിരുന്നു.

Show Full Article
TAGS:Kashmir BJP Militant attack BJP sarpanch India news 
Next Story