അയോധ്യ ഭൂമി പൂജക്ക്​ പിന്തുണയുമായി കെജ്​രിവാൾ; രാമൻെറ അനുഗ്രഹത്താൽ രാജ്യം കരുത്താർജിക്കും

ന്യൂഡൽഹി: അയോധ്യ രാമക്ഷേത്ര ഭൂമി പൂജക്ക്​ പിന്തുണയുമായി ഡൽഹി മുഖ്യമന്ത്രി അരവിന്ദ്​ കെജ്​രിവാൾ. ട്വിറ്റിലൂടെയാണ്​ എ.എ.പി അധ്യക്ഷൻ ചടങ്ങിന്​ അഭിനന്ദനങ്ങൾ അറിയിച്ചത്​.

''ഭൂമിപൂജ ദിനത്തിൽ രാജ്യത്തെ എല്ലാവർക്കും അഭിനന്ദനങ്ങൾ. രാമൻെറ അനുഗ്രഹങ്ങൾ നമ്മിലുണ്ടാവ​ട്ടെ. രാമൻെറ അനുഗ്രഹത്താൽ നമ്മുടെ രാജ്യം പട്ടിണിയും അജ്ഞതയും ഇല്ലാതാക്കി ലോകത്തെ ഏറ്റവും വലിയ ശക്​തിയാക്കി മാറും. വരുംകാലത്ത്​ ലോകത്തിന്​​ ഇന്ത്യ വഴികാട്ടിയാവ​ട്ടെ. ജയ്​ ശ്രീരാം, ജയ്​ ബജ്​റംഗ്​ ബലി''- കെജ്​രിവാൾ ട്വിറ്ററിൽ കുറിച്ചു.