മകളെ പീഡിപ്പിച്ചവരെ എന്തുകൊണ്ട്​ തൂക്കിലേറ്റുന്നി​ല്ലെന്ന്​ പെൺകുട്ടിയുടെ മാതാവ്​

ന്യൂഡൽഹി: ഹരിയാനയിൽ ദളിത്​​ പെൺകുട്ടി​യെ പീഡിപ്പി​ച്ചവരെ എന്തുകൊണ്ട്​ തൂക്കിലേറ്റുന്നില്ലെന്ന്​ പെൺകുട്ടിയുടെ മാതാവ്​. കേസിലെ അഞ്ച്​ പ്രതികൾക്കും വധശിക്ഷ നൽകണമെന്ന്​ ഞാൻ ആഗ്രഹിക്കുന്നു. അവർ കടുത്ത ശിക്ഷ അർഹിക്കുന്നു. അതെനിക്ക്​ വാക്കുകൊണ്ട്​ പറയാൻ ക​ഴിയില്ല. കാര്യങ്ങൾ വളരെ ബുദ്ധിമുട്ടിലാണ്​. മകൾക്ക്​ സുഖമില്ല. രണ്ട്​ ദിവസമായി അവൾ ഒന്നും കഴിക്കുന്നില്ലെന്നും 12ാം ക്ലാസിൽ പഠിക്കുന്ന മക​െൻറ വിദ്യാഭ്യാസം നേരായി നടക്കുന്നില്ലെന്നും മാതാവ്​ മാധ്യമങ്ങളോട്​ പറഞ്ഞു.

2013ൽ കൂട്ട ബാലാൽസംഗത്തിനിരയായ 20 കാരി ദിവസങ്ങൾക്കുമുമ്പാണ്​ വീണ്ടും പീഡിപ്പിക്കപ്പെട്ടത്​.​​ ജാമ്യത്തിലിറങ്ങിയ പ്രതികൾ യുവതിയെ തട്ടിക്കൊണ്ടു പോയി വീണ്ടും പീഡിപ്പിക്കുകയായിരുന്നു. മൂന്നു വര്‍ഷങ്ങള്‍ക്ക് മുമ്പ് ഭിവാനിയില്‍ താമസിച്ചിരുന്ന യുവതിയും കുടുംബവും സംഭവത്തിനു ശേഷം റോഹ്തകിലേക്ക് താമസം മാറുകയായിരുന്നു. ​പ്രതികൾ ഉന്നത കുടുംബത്തിലുള്ളവരായതിനാൽ 50 ലക്ഷം നൽകി കേസ്​ ഒത്തു തീർപ്പാക്കാൻ ശ്രമം നടത്തിയിരുന്നെങ്കിലും പെ​ൺകുട്ടിയുടെ കുടുംബം കേസുമായി മുന്നോട്ട്​ പോവുകയുമായിരുന്നു.