ഗവര്‍ണര്‍ പദവി നിര്‍ത്തലാക്കണം –സി.പി.ഐ

ന്യൂഡല്‍ഹി: സംസ്ഥാനങ്ങളിലെ ഗവര്‍ണര്‍ പദവി നിര്‍ത്തലാക്കണമെന്നാവശ്യപ്പെട്ട് സി.പി.ഐ രംഗത്ത്. പദവി അനാവശ്യമാണെന്നും വിരമിച്ച ഉദ്യോഗസ്ഥര്‍ക്കുള്ള പദവിയായി അത് മാറിയിട്ടുണ്ടെന്നും പാര്‍ട്ടി ജനറല്‍ സെക്രട്ടറി എസ്. സുധാകര്‍ റെഡ്ഡി പറഞ്ഞു.  ആര്‍.എസ്.എസിന്‍െറ മ്യൂസിയങ്ങളില്‍ ഇരിക്കേണ്ട പലരും രാജ്ഭവനിലാണ്. പദവിയുടെ ദുരുപയോഗവും വര്‍ധിച്ചിട്ടുണ്ട് -സുധാകര്‍ റെഡ്ഡി പറഞ്ഞു. അരുണാചല്‍ പ്രദേശില്‍ കോണ്‍ഗ്രസിന് അനുകൂലമായും ഗവര്‍ണര്‍ക്കെതിരായും സുപ്രീംകോടതി വിധിയുണ്ടായിട്ടും 48 മണിക്കൂറിനുള്ളില്‍ സഭയില്‍ വിശ്വാസവോട്ട് തേടണമെന്ന ഗവര്‍ണര്‍ തഥാഗത റോയിയുടെ ഉത്തരവ് വിഡ്ഢിത്തം നിറഞ്ഞ ധാര്‍ഷ്ട്യമാണ് കാണിക്കുന്നത്. ജനാധിപത്യ സംവിധാനങ്ങളെ വെല്ലുവിളിക്കുന്ന പദവി സാമ്പത്തികഭാരവുമുണ്ടാക്കുന്നുവെന്നും അദ്ദേഹം കൂട്ടിച്ചേര്‍ത്തു.