കോൺഗ്രസ്​ അംബാനിയുടെയും മോദി അദാനിയുടെയും കൈകളിൽ – കെജ്​രിവാൾ

ന്യൂഡൽഹി: കോൺഗ്രസ്​ അംബാനിയുടെയും  മോദി സർക്കാർ അദാനിയുടെ കൈകളിലാണെന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാൾ. മിനിമം വേതനം വർധിപ്പിക്കണമെന്നാവശ്യവുമായി ബന്ധപ്പെട്ട്​ തൊഴിലാളി യൂനിയനുകളുമായി സംസാരിക്കുകയായിരുന്നു അദ്ദേഹം. മിനിമ വേതനം 50 ശതമാനത്തിനടുത്ത് വരെ വർധിപ്പിക്കും. അദാനിയുടേയോ അംബാനിയുടേയോ സർക്കാറല്ല ഇത്​. ഡൽഹി സർക്കാർ പാവങ്ങൾക്ക്​ വേണ്ടിയുള്ളതാണെന്നും കെജ്​രിവാൾ കൂട്ടിച്ചേർത്തു. ഇൗ വർഷം പുതിയ ബാറുകൾ തുറക്കില്ലെന്നും അദ്ദേഹം പറഞ്ഞു.

കഴിഞ്ഞ മൂന്ന്​ വർഷത്തിനുള്ളിൽ അദാനിയുടെ സ്വത്തുക്കൾ മൂന്ന്​ മടങ്ങായി വർധിച്ചു. ഇന്ത്യയുടെ വരുമാനത്തി​െൻറ മുക്കാൽ ഭാഗവും അദാനിയുടെ പോക്കറ്റുകളിലേക്ക്​ പോവുകയാണെങ്കിൽ അദ്ദേഹത്തിന്​ ഭാര്യക്ക്​ ഹെലികോപ്​റ്റർ വാങ്ങിച്ച് ​െകാടുക്കാൻ സാധിക്കുമെന്നും കെജ്​രിവാൾ പരിഹസിച്ചു. അദാനിയെയല്ല പാവപ്പെട്ട ജനങ്ങളെയാണ്​  മോദി  സേവിക്കേണ്ടതെന്നും കെജ്​രിവാൾ കൂട്ടിച്ചേർത്തു.