വി.കെ സിങ്ങി​െൻറ ഭാര്യയെ ബ്ലാക്​മെയിൽ ചെയ്​തതായി പരാതി

ന്യൂഡൽഹി: കേന്ദ്രമന്ത്രി വി.കെ സിങ്ങി​െൻറ ഭാര്യയെ ബ്ലാക്​​​മെയി​ൽ​ ചെയ്​ത്​ പണം തട്ടാൻ ശ്രമം. രണ്ടുകോടി രൂപ നൽകിയില്ലെങ്കിൽ ​േഫാൺ വഴി നടത്തിയ സ്വകാര്യ സംഭാഷണം പുറത്തുവിടുമെന്നും കുടുംബത്തെ അപകടപ്പെടുത്തുമെന്നും യുവാവ്​ ഭീഷണിപ്പെടുത്തുകയായിരുന്നു. സംഭവത്തിൽ സിങ്ങി​െൻറ ഭാര്യ പ്രദീപ്​ ചൗഹാൻ എന്നയാൾക്കെതിരെ  പരാതിയി നൽകി.

സിങ്ങി​െൻറ കുടുംബവുമായി പരിചയമുള്ള വ്യക്തിയാണ്​ പ്രദീപ്​സിങ്​. ആഗസ്​റ്റ്​ ആറിന്​ സിങ്ങി​െൻറ ഭാര്യയുമായി ഫോണിൽ സ്വകാര്യ സംഭാഷണത്തിലേർപ്പെട്ട ഇയാൾ അത്​ റെക്കോർഡ്​ ചെയ്യുകയായിരുന്നു. രണ്ടുകോടി രൂപ നൽകിയില്ലെങ്കിൽ  സ്വകാര്യ സംഭാഷണവും ചില ദൃശ്യങ്ങളും നവമാധ്യമങ്ങളിൽ പ്രചരിപ്പിക്കുമെന്നും കുടുംബത്തെ അപമാനിക്കുമെന്നും ഭീഷണിപ്പെടുത്തുകയായിരുന്നു.

ത​െൻറ കൈവശം ലൈസൻസുള്ള തോക്കുണ്ടെന്നും പണം നൽകിയില്ലെങ്കിൽ അപകടപ്പെടുത്തുമെന്ന്​ പറഞ്ഞതായും  പരാതിയിലുണ്ട്​.  വീഡിയോ ദൃശ്യങ്ങളിലെ ഉള്ളടക്കമെന്താണെന്ന്​ വ്യക്തമല്ല. ഫോണിൽ വിളിച്ച്​ നിരന്തരം അപമാനിച്ചുവെന്നും ഭർത്താവി​െൻറ പ്രശ​സ്​തി ഇല്ലാതാക്കുമെന്ന്​ പറഞ്ഞതായും അവർ പൊലീസിനെ അറിയിച്ചു. ​
​​​
​പ്രതിയെന്ന്​ സംശയിക്കുന്നയാൾ ഭീഷണിപ്പെടുത്താനുപയോഗിച്ച ദൃശ്യങ്ങളും ഒാഡിയോ റെക്കോർഡും കൃത്രിമമായി ചമച്ചതാണെന്ന്​  പൊലീസ്​ പറഞ്ഞു. കരസേനാ മേധാവിയായി 2012ൽ വിരമിച്ച വി.കെ സിങ്​ ബി.ജെ.പിയിൽ ചേർന്ന ശേഷം നിലവിൽ വിദേശകാര്യ സഹമന്ത്രിയാണ്​.