Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightആർ.എസ്​.എസി​െൻറ...

ആർ.എസ്​.എസി​െൻറ കുട്ടിക്കടത്ത്​​; വാർത്ത നൽകിയ ​ഒൗട്ട്​ലുക്​ എഡിറ്റർക്ക്​ മാറ്റം

text_fields
bookmark_border
ആർ.എസ്​.എസി​െൻറ കുട്ടിക്കടത്ത്​​; വാർത്ത നൽകിയ ​ഒൗട്ട്​ലുക്​ എഡിറ്റർക്ക്​ മാറ്റം
cancel

ന്യൂഡൽഹി: ആർ.എസ്​.എസി​െൻറ കുട്ടിക്കടത്ത് പുറത്തുകൊണ്ടുവന്നതിന്​ പിന്നാലെ പ്രശസ്​ത ഇംഗ്ലീഷ്​ മാഗസിൻ ‘ഒൗട്ട്​ലുക്​’ എഡിറ്റർ ഇൻ ചീഫ്​ കൃഷ്ണപ്രസാദിനെ മാറ്റി. ഓപറേഷന്‍ ബേബി ലിഫ്റ്റ് എന്ന തലക്കെട്ടോടെ, അസമില്‍ നിന്നുള്ള ആർ.എസ്​.എസി​െൻറ കുട്ടിക്കടത്ത് പുറത്തുകൊണ്ടുവന്ന അന്വേഷണാത്മക റിപ്പോര്‍ട്ട് പ്രസിദ്ധീകരിച്ചതിന് തൊട്ടുപിന്നാലെയാണ് ഔട്ട്‌ലുക്​ മാഗസിന്റെ ഉന്നതതലത്തില്‍ വലിയ മാറ്റമുണ്ടാകുന്നത്. മലയാളിയായ രാജേഷ് രാമചന്ദ്രനാണ്​  പുതിയ എഡിറ്റര്‍ ഇന്‍ ചീഫ്.

ഔട്ട്‌ലുക്​ ഗ്രൂപ്പ് എക്‌സിക്യുട്ടീവ് ഡയറക്ടര്‍ ആന്‍ഡ് പബ്ലിഷര്‍ ഇന്ദ്രനില്‍ റോയ് ശനിയാഴ്​ച വൈകുന്നേരം ഔട്ട്‌ലുക്​ മാഗസിന്‍ ജീവനക്കാർക്ക്​  അയച്ച ഇമെയില്‍ സന്ദേശത്തിലാണ് പുതിയ എഡിറ്റര്‍ ഇന്‍ ചീഫിനെ നിയമിച്ചതായി അറിയിച്ചത്. ഈ മാസം 16 മുതല്‍ രാജേഷ് രാമചന്ദ്രനാകും എഡിറ്റര്‍ ഇന്‍ ചീഫെന്നും അദ്ദേഹത്തോട് സഹകരിക്കണമെന്നും സന്ദേശത്തില്‍ പറയുന്നു. അതേസമയം നിലവിലെ എഡിറ്റര്‍ ഇന്‍ ചീഫായ കൃഷ്ണ പ്രസാദിനെ കുറിച്ച് മെയിലില്‍ വിവരങ്ങളില്ല.

ആർ.എസ്​.എസ്  അസമിൽ നിന്ന്​ ആദിവാസി കുട്ടികളെ പഞ്ചാബിലെയും ഗുജറാത്തിലെയും കേന്ദ്രങ്ങളിലേക്ക് കടത്തുന്നതി​നെക്കുറിച്ച്​ വെളിപ്പെടുത്ത​ുന്ന ഓപ്പറേഷന്‍ ബേബി ലിഫ്റ്റ് എന്ന കവര്‍ സ്റ്റോറി പ്രസിദ്ധീകരിച്ചതിന് ഒൗട്ട്​ലുക്​ മാഗസിനെതിരെ കേസെടുത്തിരുന്നു. റിപ്പോർട്ട്​ തയാറാക്കിയ ഫ്രീലാന്‍സ് ജേണലിസ്​റ്റ്​ നേഹാ ദീക്ഷിത്​, മാഗസിന്‍ എഡിറ്റർ, പ്രസാധകർ എന്നിവർക്കെതിരെയാണ്​ എഫ്‌.ഐ.ആര്‍ രജിസ്റ്റര്‍ ചെയ്തത്​. കേസിനെ നിയമപരമായി നേരിടുമെന്നും എഫ്‌.ഐ. ആര്‍ തള്ളണമെന്നാവശ്യപ്പെട്ട് കോടതിയെ സമീപിക്കുമെന്നും കൃഷ്ണപ്രസാദ് വ്യക്തമാക്കിയിരുന്നു.

അതേസമയം, ത​െൻറ നിയമനം ഒരു മാസം മുമ്പെ തീരുമാനിച്ചതാണെന്നും രാജേഷ് രാമചന്ദ്രന്‍ വാർത്താ പോർട്ടലായ സ്​​​ക്രോൾ ഡോട്ട്​ കോമിനോട്​ പറഞ്ഞു.

 

Show Full Article
TAGS:operation baby lift baby lift rss outlook outlook magazine editor in chief rajesh ramachandran 
Next Story