കശ്മീരിലെ ജനതക്ക് പിന്തുണയര്‍പ്പിച്ച് ലോക്സഭ പ്രമേയം

ന്യൂഡല്‍ഹി: കശ്മീരില്‍ നിലനില്‍ക്കുന്ന സംഘര്‍ഷ സാഹചര്യങ്ങളില്‍ സംസ്ഥാനത്തെ ജനതക്ക് ആഭിമുഖ്യം പ്രഖ്യാപിച്ച് ലോക്സഭ പ്രമേയം പാസാക്കി. കശ്മീരിലെ ജനതയുടെ ആത്മവിശ്വാസം പുന:സ്ഥാപിക്കുക എന്ന വിഷയത്തില്‍ അവതരിപ്പിച്ച പ്രമേയമാണ് ലോക്സഭ ഏകകണ്ഠേന അംഗീകരിച്ചത്.

കശ്മീരിലെ ജനതയില്‍ വിശ്വാസമര്‍പ്പിച്ച് , സംഘര്‍ഷങ്ങളില്‍ ഉത്കണ്ഠ രേഖപ്പെടുത്തി കഴിഞ്ഞദിവസം രാജ്യസഭയും പ്രമേയം പാസാക്കിയിരുന്നു. വിഷയം സംബന്ധിച്ച് വ്യാഴാഴ്ച രാജ്യസഭയില്‍ മണിക്കൂറോളം നീണ്ട ചര്‍ച്ചയാണ് നടന്നത്.

കശ്മീരില്‍ സമാധാനം പുന:സ്ഥാപിക്കുന്നതിനായി പ്രധാനമന്ത്രി നരേന്ദ്രമോദി വിളിച്ച സര്‍വ്വകക്ഷിയോഗം ഇന്ന് ഡല്‍ഹിയില്‍ നടക്കും.