ഉത്തരഖണ്ഡില്‍ നേരിയ ഭൂചലനം; ആളപായമില്ല

ഉത്തരഖണ്ഡ്: വടക്കന്‍ സംസ്ഥാനമായ ഉത്തരഖണ്ഡില്‍ റിക്ടര്‍ സ്കെയിലില്‍ 4.8 തീവ്രത രേഖപ്പെടുത്തിയ നേരിയ ഭൂചലനം. ഉത്തരഖണ്ഡിലെ പിത്തോരഗഡ് ജില്ലയിലാണ് ഭൂചലനം അനുഭവപ്പെട്ടത്. നനിതാല്‍ പട്ടണത്തിലെ ഹാല്‍ഡ് വാനിക്ക് സമീപം 4.5 തീവ്രതയില്‍ ഭൂചലനം അനുഭവപ്പെട്ടതായി യു.എസ് ജിയോളജിക്കല്‍ സര്‍വെ അറിയിച്ചു. ദര്‍ചുലക്ക് 23 കിലോമീറ്റര്‍ വടക്ക് പടിഞ്ഞാറാണിത്.

തുടര്‍ചലനങ്ങള്‍ ഉണ്ടാകാന്‍ സാധ്യതയുണ്ടെന്ന് യു.എസ് ജിയോളജിക്കല്‍ സര്‍വെ മുന്നറിയിപ്പ് നല്‍കി. കുന്നിന്‍ചെരുവിലൂടെ വാഹനം ഓടിക്കുന്നവര്‍ ജാഗ്രത പാലിക്കണമെന്ന് നിര്‍ദേശമുണ്ട്. ഉത്തരാഖണ്ഡില്‍ ജൂണില്‍ മാത്രം നാലു തവണ ഭൂചലനം അനുഭവപ്പെട്ടിരുന്നു.