ഇന്ത്യയില്‍ മൂന്നിലൊരാള്‍ ഉയര്‍ന്ന രക്തസമ്മര്‍ദത്തിന്‍െറ പിടിയില്‍

ന്യൂഡല്‍ഹി: ഇന്ത്യയില്‍ മൂന്നിലൊന്നുപേരും ഉയര്‍ന്ന രക്തസമ്മര്‍ദമുള്ളവര്‍. ഇതില്‍ 60 ശതമാനം പേരും തങ്ങള്‍ക്ക് ഉയര്‍ന്ന രക്തസമ്മര്‍ദമുള്ളതിനെ കുറിച്ച് ബോധവാന്മാരുമല്ല. കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ (സി.എസ്.ഐ), കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ (സി.എസ്.ഐ) എന്നിവ നടത്തിയ പഠനത്തിലാണ് കണ്ടത്തെല്‍.  കഴിഞ്ഞ രണ്ടു ദശാബ്ദത്തിനിടെയാണ് ഇന്ത്യക്കാരില്‍ ഉയര്‍ന്ന രക്തസമ്മര്‍ദം കൂടുതലായി കണ്ടുവരുന്നതെന്ന് സി.എസ്.ഐ പ്രസിഡന്‍റ് എച്ച്.കെ. ചോപ്ര പറഞ്ഞു.
ജനസംഖ്യയില്‍ 42 ശതമാനം പേരാണ് ഉയര്‍ന്ന രക്തസമ്മര്‍ദത്തിന്‍െറ പിടിയിലുള്ളത്. രാജ്യത്തെ 24 സംസ്ഥാനങ്ങളിലായി 1.8 ലക്ഷം പേരില്‍നിന്നാണ് വിവരങ്ങള്‍ തേടിയത്. രക്തസമ്മര്‍ദമുള്ളവരില്‍ മൂന്നില്‍ രണ്ടും 60 വയസ്സില്‍ താഴെയുള്ളവരാണ്.