'മന് കി ബാത്' നിര്ത്തിവെക്കണമെന്ന് കോണ്ഗ്രസ്
text_fieldsന്യൂഡല്ഹി: പ്രധാനമന്ത്രിയുടെ പ്രതിവാര റേഡിയോ പരിപാടിയായ 'മന് കി ബാത്' നിര്ത്തിവെക്കണമെന്ന് കോണ്ഗ്രസ്. ബിഹാറില് നിയമസഭാ തെരഞ്ഞെടുപ്പിന്െറ ഒന്നാംഘട്ട വിജ്ഞാപനം പുറപ്പെടുവിക്കാനിരിക്കെയാണ് കോണ്ഗ്രസ് ആവശ്യവുമായി രംഗത്തെത്തിയത്. ഇക്കാര്യം ചൂണ്ടിക്കാട്ടി കേന്ദ്ര തെരഞ്ഞെടുപ്പ് കമ്മീഷന് കോണ്ഗ്രസ് പരാതി നല്കി.
'മന് കി ബാത്' പരിപാടി നടത്തുന്നത് തെരഞ്ഞെടുപ്പ് പെരുമാറ്റ ചട്ടങ്ങളുടെ ലംഘനമാണെന്ന് കോണ്ഗ്രസ് ചൂണ്ടിക്കാട്ടുന്നു. ഒക്ടോബര് 12 മുതല് 18 വരെയാണ് ബിഹാറില് തെരഞ്ഞെടുപ്പ് നടക്കുക.
അതേസമയം, 'മന് കി ബാത്' പരിപാടി നിര്ത്തിവെക്കാന് സാധിക്കില്ളെന്നും എന്നാല്, പരിപാടിയിലൂടെ പുതിയ നയങ്ങള് പ്രഖ്യാപിക്കാന് പാടില്ളെന്നും കമ്മീഷന് വൃത്തങ്ങള് വ്യക്തമാക്കി.
ഗ്രാമീണ മേഖലയിലെ ജനങ്ങളുമായി വിവിധ വിഷയങ്ങളില് ആശയ വിനിമയം നടത്താന് ബി.ജെ.പി അധികാരത്തിലേറിയപ്പോള് തുടങ്ങിയ റേഡിയോ പരിപാടിയാണ് 'മന് കി ബാത്'.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.