ഉഭയകക്ഷി വിഷയങ്ങളില്ലെങ്കില്‍ ചര്‍ച്ചയില്ല -പാകിസ്താന്‍

ഇസ്ലാമാബാദ്: ഉഭയകക്ഷിവിഷയങ്ങള്‍ അജണ്ടയില്‍ ഉള്‍പ്പെടുത്താതെ ഇന്ത്യയുമായി ചര്‍ച്ച പുനരാരംഭിക്കില്ളെന്ന് പാകിസ്താന്‍ പ്രധാനമന്ത്രിയുടെ ദേശീയ സുരക്ഷാ ഉപദേഷ്ടാവ് സര്‍താജ് അസീസ്. ഇരുരാജ്യങ്ങളുടെയും ദേശീയ സുരക്ഷാ ഉപദേഷ്ടാക്കള്‍ തമ്മില്‍ നടക്കേണ്ടിയിരുന്ന ചര്‍ച്ച മുടങ്ങിയതിന്‍െറ പശ്ചാത്തലത്തിലാണ് സര്‍താജ് അസീസിന്‍െറ പ്രസ്താവന. കശ്മീരിലെ വിഘടനവാദി നേതാക്കളുമായി ചര്‍ച്ച നടത്താനുള്ള പാകിസ്താന്‍െറ കടുംപിടിത്തമാണ് ചര്‍ച്ച മുടങ്ങുന്നതിലേക്ക് നയിച്ചത്. അതേസമയം, പാകിസ്താന്‍ റെയ്ഞ്ചേഴ്സിന്‍െറയും ബി.എസ്.എഫിന്‍െറയും ഡയറക്ടര്‍ ജനറല്‍മാര്‍ തമ്മില്‍ അടുത്തയാഴ്ച കൂടിക്കാഴ്ച നടക്കുമെന്ന് സര്‍താജ് അസീസ് പറഞ്ഞു.