പൊലീസിന്‍റെ വിരട്ടല്‍ ഫലിച്ചില്ല; കേരള ഹൗസില്‍ വീണ്ടും ബീഫ് വരട്ടി

ന്യൂഡല്‍ഹി: ഡല്‍ഹി പൊലീസിന്‍റെ വിരട്ടല്‍ ഒന്നും ബീഫിന്‍റെ കാര്യത്തില്‍ ഫലിച്ചില്ല. ഡല്‍ഹി കേരള ഹൗസില്‍ വീണ്ടും ബീഫ് വിളമ്പി.  മെനുബോര്‍ഡില്‍ മീറ്റ് ഫ്രൈ എന്ന് എഴുതിവെച്ചിട്ടുമുണ്ട്. വരട്ടിയ ബീഫ് കഴിക്കാന്‍ നിരവധി ആളുകളാണ് എത്തുന്നത്.
ഹിന്ദുസേന പ്രവര്‍ത്തകരുടെ പരാതിയെ തുടര്‍ന്ന് കേരള ഹൗസിന്‍റെ അടുക്കളയില്‍ കയറി ഡല്‍ഹി പൊലീസ് റെയ്ഡ് നടത്തിയത് വന്‍ പ്രതിഷേധത്തിനിടയാക്കിയിരുന്നു. ഒരു ദിവസത്തേക്ക് ബീഫ് വില്‍പന നിര്‍ത്തിവെച്ചിരുന്നുവെങ്കിലും ഇന്ന് രാവിലെ പ്രതിഷേധവും കൂടി ചേര്‍ത്ത് വീണ്ടും ബീഫ് വിളമ്പുകയായിരുന്നു.  20 കിലോ ബീഫ് ആണ് കേരള ഹൗസില്‍ ഇന്നത്തേക്ക് ഓര്‍ഡര്‍ ചെയ്തിരിക്കുന്നത്.