സോംനാഥ് ഭാരതിയുടെ ജാമ്യാപേക്ഷ സുപ്രീംകോടതി തളളി

ന്യൂഡല്‍ഹി: ആംആദ്മി നേതാവും ഡല്‍ഹി മുന്‍ നിയമമന്ത്രിയുമായ സോംനാഥ് ഭാരതിയുടെ ജാമ്യാപേക്ഷ സുപ്രീംകോടതി തളളി. ജാമ്യത്തിനായി കീഴ്ക്കോടതിയെ സമീപിക്കാനാണ് സുപ്രീംകോടതിയുടെ നിര്‍ദേശം. മധ്യസ്ഥശ്രമത്തിന് തയ്യാറല്ളെന്ന് പരാതിക്കാരിയായ ഭാര്യ ലിപിക കോടതിയില്‍ ബോധിപ്പിച്ചു.

സുപ്രീം കോടതി നേരത്തേ മുന്‍കൂര്‍ ജാമ്യാപേക്ഷ തളളിയതിനെ തുടര്‍ന്ന് ഭാരതി പോലീസില്‍ കീഴടങ്ങുകയായിരുന്നു.

ലിപിക നല്‍കിയ ഗാര്‍ഹിക പീഡനകേസിലാണ് ഭാരതി അറസ്റ്റിലായത്. ഭാരതി തന്നെ മാനസികമായും ശാരീരികമായും പീഡിപ്പിക്കുന്നു എന്നു ചൂണ്ടിക്കാട്ടി ജൂണിലാണ് ഡല്‍ഹി വനിതാ കമ്മീഷന്പരാതി നല്‍കിയത്. ഗര്‍ഭിണിയായിരുന്ന കാലത്ത് വളര്‍ത്തുനായയെ അഴിച്ചുവിട്ട് ആക്രമിക്കാന്‍ മുതിര്‍ന്നു എന്നും ലിപികയുടെ പരാതിയില്‍ വ്യക്തമാക്കിയിരുന്നു.