2.5 കോടി രൂപ വിലയുള്ള കാര്‍ കത്തിനശിച്ചു

ന്യൂഡല്‍ഹി: തലസ്ഥാന നഗരിയില്‍ 2.5 കോടി രൂപ വിലയുള്ള ലംബോര്‍ഗിനി കാര്‍ കത്തിനശിച്ചു. ദക്ഷിണ ഡല്‍ഹിയിലെ ബദര്‍പൂരില്‍ ഇന്ന് രാവിലെയാണ് ഇറ്റാലിയന്‍ ആഡംബര കാറിനെ തീ വിഴുങ്ങിയത്. ഡ്രൈവര്‍ യാതൊരു പരിക്കുകളുമില്ലാതെ രക്ഷപ്പെട്ടു. ബദര്‍പുരിലെ ഫ്ളൈ ഓവറിനു കീഴില്‍ രാവിലെ ഒമ്പതിനായിരുന്നു സംഭവം.  

കാറിന്‍െറ പിന്‍ഭാഗത്തു നിന്നും പെട്ടെന്നു തീയുണ്ടാകുകയായിരുന്നു. തീ പിടിക്കാനുള്ള കാരണം വ്യക്തമല്ല. പോലീസ് കാറില്‍ വിശദപരിശോധന നടത്തി. ലംബോര്‍ഗിനി ഏറ്റവും കൂടുതല്‍ വിറ്റഴിച്ച ഗല്ലാര്‍ഡോ കാറാണ് കത്തി നശിച്ചത്. 2013ല്‍ കാറിന്‍െറ ഉത്പാദനം കമ്പനി നിര്‍ത്തിയിരുന്നു.