നാല് ജെ.ഡി.യു എം.എല്‍.എമാര്‍ ബി.ജെ.പിയില്‍

പട്ന: ബിഹാറിലെ ഭരണകക്ഷിയായ ജെ.ഡി.യുവിന്‍െറ നാല് എം.എല്‍.എമാര്‍ ബി.ജെ.പിയില്‍ ചേര്‍ന്നു. നേരത്തേ, പാര്‍ട്ടിവിരുദ്ധ പ്രവര്‍ത്തനത്തിന്‍െറ പേരില്‍ ജെ.ഡി.യുവില്‍നിന്ന് സസ്പെന്‍ഡ് ചെയ്യപ്പെട്ട എം.എല്‍.എമാര്‍ക്കാണ് ബുധനാഴ്ച കേന്ദ്രമന്ത്രി രാജീവ് പ്രതാപ് റൂഡി ബി.ജെ.പി അംഗത്വം നല്‍കിയത്. ഗയനേന്ദ്ര സിങ് ഗയാനു, രാജേശ്വര്‍ രാജ്, ദിനേശ് കുശാവഹ, സുരേഷ് ചണ്ഡാല്‍ എന്നിവരാണ് ജെ.ഡി.യു വിട്ടത്. കൂടുതല്‍ എം.എല്‍.എമാര്‍ ജെ.ഡി.യു വിട്ട് പാര്‍ട്ടിയിലേക്ക് വരുമെന്ന് ബി.ജെ.പി വൃത്തങ്ങള്‍ അവകാശപ്പെട്ടു.
പാര്‍ട്ടി വിട്ട ഗയനേന്ദ്ര സിങ് ബിഹാര്‍ മുഖ്യമന്ത്രി നിതീഷ്കുമാറിന്‍െറ വിശ്വസ്തനായിട്ടായിരുന്നു അറിയപ്പെട്ടിരുന്നത്. എന്നാല്‍, കഴിഞ്ഞ വര്‍ഷം നിതീഷുമായി കൊമ്പുകോര്‍ത്ത ഗയനേന്ദ്രയെ സസ്പെന്‍ഡ് ചെയ്യുകയായിരുന്നു.
നവംബറില്‍ സംസ്ഥാനത്ത് നിയമസഭാ തെരഞ്ഞെടുപ്പ് നടക്കാനിരിക്കെയാണ് എം.എല്‍.എമാരുടെ കൂടുമാറ്റം. കഴിഞ്ഞദിവസം സംസ്ഥാനത്തത്തെിയ പ്രധാനമന്ത്രി നരേന്ദ്ര മോദി തെരഞ്ഞെടുപ്പ് മുന്നില്‍കണ്ട് ബിഹാറിന് ഒന്നേകാല്‍ ലക്ഷം കോടിയുടെ പാക്കേജാണ് പ്രഖ്യാപിച്ചത്.