അഞ്ചു വര്‍ഷത്തിനിടെ ആര്‍.എസ്.എസ് ശാഖകളുടെ എണ്ണത്തില്‍ 61 ശതമാനം വര്‍ധന

മുംബൈ: അഞ്ചു വര്‍ഷത്തിനിടെ രാജ്യത്ത് രാഷ്ട്രീയ സ്വയം സേവക് (ആര്‍.എസ്.എസ്) ശാഖകളുടെ എണ്ണം 61 ശതമാനം വര്‍ധിച്ചതായി റിപ്പോര്‍ട്ട്.  51,335 ശാഖകളാണ് ദിനംപ്രതി പ്രവര്‍ത്തിക്കുന്നത്. കേരളമാണ് ഇക്കാര്യത്തില്‍ മുന്‍പന്തിയില്‍- 4500 ശാഖകള്‍. 29 ശതമാനം വര്‍ധനയാണ് ദിനംപ്രതി ശാഖകള്‍ക്കുള്ളത്. വാരാന്ത്യത്തില്‍ നടക്കുന്ന ശാഖകള്‍ 61 ശതമാനവും മാസത്തില്‍ നടക്കുന്ന ശാഖകള്‍ 40 ശതമാനവും വര്‍ധിച്ചുവെന്നാണ് റിപ്പോര്‍ട്ട്. മുംബൈയില്‍ ദിനംപ്രതി ശാഖകള്‍ 34 ശതമാനം വര്‍ധിച്ചപ്പോള്‍ വാരാന്ത്യ ശാഖകള്‍ 70 ശതമാനം വര്‍ധിച്ചു. നവി മുംബൈ പോലുള്ള നഗരങ്ങളില്‍ അഞ്ചു വര്‍ഷത്തിനിടെ ഇരട്ടി വര്‍ധനയാണുണ്ടായിട്ടുള്ളത്.