വര്‍ഗീയതയെ തോല്‍പിക്കണം; ടീം ഇന്ത്യയായി പ്രവര്‍ത്തിക്കണം: പ്രധാനമന്ത്രി

ന്യൂഡല്‍ഹി: സാമുദായിക ഭിന്നതകള്‍ക്ക് ഇടം നല്‍കരുതെന്നും രാജ്യത്തിന്‍െറ ഐക്യം നഷ്ടപ്പെടുത്തുന്ന ഒരു നീക്കവും അനുവദിക്കരുതെന്നും പ്രധാനമന്ത്രി നരേന്ദ്ര മോദി. വര്‍ഗീയതയെയും വിഘടനവാദത്തെയും തോല്‍പിക്കണം. രാജ്യം ടീം ഇന്ത്യയായി പ്രവര്‍ത്തിക്കണം. ഇത് പ്രതീക്ഷയുടെ പുലരിയാണെന്നും പ്രധാനമന്ത്രി പറഞ്ഞു. 69ാം സ്വാതന്ത്ര്യദിനത്തോട് അനുബന്ധിച്ച് ചെങ്കോട്ടയില്‍ രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു പ്രധാനമന്ത്രി.

മന്‍കി ബാത്തിലൂടെ രാജ്യത്തെ ഗ്രാമങ്ങളുടെ ശബ്ദം അറിയാന്‍ സാധിച്ചു. പാവങ്ങള്‍ക്ക് മുമ്പില്‍ അടഞ്ഞിരുന്ന ബാങ്കുകളുടെ വാതിലുകള്‍ തുറക്കാന്‍ കഴിഞ്ഞു. രാജ്യത്തിന്‍െറ വികസനത്തിന്‍െറ പിരമിഡ് തകര്‍ക്കാന്‍ പറ്റാത്തതാണ്. എല്ലാവരെയും ഉള്‍കൊള്ളുന്നതായിരിക്കണം രാജ്യത്തിന്‍െറ വികസനമെന്നും പ്രധാനമന്ത്രി പറഞ്ഞു.