വാനും ട്രക്കും കൂട്ടിയിടിച്ച് 13 തീര്‍ഥാടകര്‍ മരിച്ചു

ജാംഷഡ്പുര്‍: വാനും ട്രക്കും കൂട്ടിയിടിച്ച് ആറ് സ്ത്രീകള്‍ ഉള്‍പ്പെടെ 13 തീര്‍ഥാടകര്‍ മരിച്ചു. വെള്ളിയാഴ്ച പുലര്‍ച്ചെ ജാംഷഡ്പുരില്‍നിന്നും 40 കിലോമീറ്റര്‍ മാറി ചൗക്കയിലാണ് അപകടം. പുരിയില്‍നിന്നും തീര്‍ഥാടനം കഴിഞ്ഞ് മടങ്ങിയവരാണ് അപകടത്തില്‍പെട്ടത്. അമിത വേഗതയില്‍ വന്ന ട്രക് ഇവര്‍ സഞ്ചരിച്ചിരുന്ന വാനുമായി കൂട്ടിയിടിക്കുകയായിരുന്നുവെന്ന് പൊലീസ് സൂപ്രണ്ട് ഇന്ദ്രജിത്ത് മഹാത്ത പറഞ്ഞു. 11 പേര്‍ സംഭവസ്ഥലത്തും മറ്റുള്ളവര്‍ ആശുപത്രിയിലുമാണ് മരിച്ചത്. പരിക്കേറ്റവരെ എം.ജി.എം. ആശുപ്രതിയില്‍ പ്രവേശിപ്പിച്ചു.