മോദി ഇന്ന് ചെന്നൈയില്‍; ജയലളിതയെ കണ്ടേക്കും

ചെന്നൈ: കേന്ദ്ര ടെക്സ്റ്റൈല്‍ മന്ത്രാലയം സംഘടിപ്പിക്കുന്ന കൈത്തറി വ്യാപാരികളുടെ സംഗമം ഉദ്ഘാടനം ചെയ്യാന്‍ വെള്ളിയാഴ്ച ചെന്നൈയിലത്തെുന്ന പ്രധാനമന്ത്രി നരേന്ദ്ര മോദി മുഖ്യമന്ത്രി ജയലളിതയുമായി കൂടിക്കാഴ്ച നടത്തും. മോദിക്കൊപ്പം ബി.ജെ.പി അധ്യക്ഷന്‍ അമിത് ഷായുമുണ്ടാകും.
പ്രോട്ടോക്കോള്‍ പ്രകാരം പ്രധാനമന്ത്രിയെ സ്വീകരിക്കേണ്ടത് മുഖ്യമന്ത്രിയാണ്. കൈത്തറി സമ്മേളനത്തില്‍ ജയലളിത പങ്കെടുക്കുമെന്നാണ് സൂചന.
ജയലളിത എത്തിയില്ളെങ്കില്‍ പ്രോട്ടോക്കോള്‍ മറികടന്ന് ജയലളിതയെ അവരുടെ വസതിയായ പോയസ്ഗാര്‍ഡനില്‍ ചെന്ന് കാണും. വരുന്ന നിയമസഭാ തെരഞ്ഞെടുപ്പിലെ സഖ്യം സംബന്ധിച്ച് തീരുമാനമുണ്ടാകുമെന്നാണ് സൂചന. എന്‍.ഡി.എ സഖ്യകക്ഷിയായി അണ്ണാ ഡി.എം.കെ രാജ്യസഭയില്‍ ബി.ജെ.പിക്കൊപ്പമാണ്.