മാട് വ്യാപാരികള്‍ ഇന്ന് ധര്‍ണ നടത്തും

കോയമ്പത്തൂര്‍: തമിഴ്നാട് കന്നുകാലി വ്യാപാരി സംഘം, തൊഴിലാളി സംരക്ഷണ ക്ഷേമ സമിതി എന്നിവയുടെ ആഭിമുഖ്യത്തില്‍ വിവിധ ആവശ്യങ്ങളുന്നയിച്ച് കന്നുകാലി വ്യാപാരികള്‍ വെള്ളിയാഴ്ച കോയമ്പത്തൂരില്‍ ധര്‍ണ നടത്തും.
റെഡ്ക്രോസ് കെട്ടിടത്തിന് മുന്നിലാണ് സമരം സംഘടിപ്പിക്കുന്നത്. ഗോശാലകള്‍ക്കുവേണ്ടി കന്നുകാലികളെ കൊള്ളയടിക്കുന്നതില്‍ പ്രതിഷേധിച്ചും കോടതി ഉത്തരവുണ്ടായിട്ടും കാലികളെ വിട്ടുകൊടുക്കാത്ത ഗോശാലാധികൃതരുടെ നിലപാടില്‍ പ്രതിഷേധിച്ചുമാണ് സമരം.
32 അടി നീളമുള്ള ലോറികളില്‍ 24 കന്നുകാലികളെ കയറ്റാന്‍ അനുവദിക്കണമെന്നാണ് ഇവരുടെ പ്രധാന ആവശ്യം.
സര്‍ക്കാര്‍ ഇടപെട്ടില്ളെങ്കില്‍ തമിഴ്നാട്ടിലെ മുഴുവന്‍ കന്നുകാലി വ്യാപാരികളും തൊഴിലാളികളും തങ്ങളുടെ റേഷന്‍കാര്‍ഡുകള്‍ തിരിച്ചേല്‍പ്പിച്ച് പ്രതിഷേധിക്കുമെന്ന് സംഘടനാ പ്രതിനിധികള്‍ മുന്നറിയിപ്പ് നല്‍കി.