ജമ്മുകശ്മീരില്‍ തീവ്രവാദിയാക്രമണം; രണ്ട് ജവാന്‍മാര്‍ കൊല്ലപ്പെട്ടു

ശ്രീനഗര്‍: ജമ്മു കശ്മീരിലെ ഉദ്ദംപൂരിലുണ്ടായ തീവ്രവാദിയാക്രമണത്തില്‍ രണ്ട് ബി.എസ്.എഫ് ജവാന്‍മാര്‍ കൊല്ലപ്പെട്ടു. എട്ടുപേര്‍ക്ക് പരുക്കേറ്റു. ഉദ്ദംപൂരില്‍ നിന്നും പത്ത് കിലോമീറ്റര്‍ അകലെ സമ്രുലി പ്രദേശത്തെ ദേശീയ പാതയില്‍ ബുധനാഴ്ച രാവിലെയാണ് ആക്രമണമുണ്ടായത്. ബി.എസ്.എഫ് നടത്തിയ തിരിച്ചടിയില്‍ ഒരു തീവ്രവാദി കൊല്ലപ്പെട്ടിട്ടുണ്ട്.

അമര്‍നാഥ് തീര്‍ഥാടകര്‍ കടന്നുപോകുന്ന പാതയാണിത്. സംഭവസ്ഥലത്ത് കൂടുതല്‍ സേനയെ വിന്യസിച്ചു. ഈ പാതയില്‍ ആക്രമണങ്ങള്‍ സാധാരണ ഉണ്ടാവാറി െല്ലന്ന് സുരക്ഷാ സേന അറിയിച്ചു.

ദിവസങ്ങള്‍ക്കുമുമ്പ്  കശ്മീരിലെ പൊലീസ് ചെക് പോയിന്‍റിനുനേരെയുണ്ടായ ആക്രമണത്തില്‍ മൂന്നു പൊലീസുകാര്‍ക്ക് പരിക്കേറ്റിരുന്നു. രാത്രി ചെക് പോയന്‍റില്‍ കാര്‍ പരിശോധിക്കവെ തീവ്രവാദികള്‍ പൊലീസുകാര്‍ക്ക് നേരെ വെടിയുതിര്‍ക്കുകയായിരുന്നു.