അമേരിക്കന്‍ ഉപഗ്രഹങ്ങള്‍ ബഹിരാകാശത്ത് എത്തിക്കാനുള്ള ദൗത്യവുമായി ഐ.എസ്.ആര്‍.ഒ

ബംഗളൂരു: അമേരിക്കയുടെ ഉപഗ്രഹങ്ങള്‍ ബഹിരാകാശത്ത് എത്തിക്കാന്‍ ഇന്ത്യന്‍ സ്പേസ് റിസര്‍ച്ച് ഓര്‍ഗനൈസേഷന്‍ (ഐ.എസ്.ആര്‍.ഒ) ഒരുങ്ങുന്നു. 2015^16 കാലയളവില്‍ അമേരിക്കയുടെ ഒന്‍പത് നാനോ^മൈക്രോ ഉപഗ്രഹങ്ങളാണ് പി.എസ്.എല്‍.വി റോക്കറ്റ് വിക്ഷേപിക്കുക. ഐ.എസ്.ആര്‍.ഒയുടെ വാണിജ്യപദ്ധതിയുടെ ഭാഗമായാണ് റോക്കറ്റ് വിക്ഷേപണം.

19 രാജ്യങ്ങള്‍ക്കുവേണ്ടി 45 ഉപഗ്രഹങ്ങളാണ് ഐ.എസ്.ആര്‍.ഒ ഇതുവരെ വിക്ഷപിച്ചിട്ടുള്ളത്. എന്നാല്‍ ആദ്യമായാണ് അമേരിക്കയുടെ ഉപഗ്രഹങ്ങള്‍ ബഹിരാകാശത്തത്തെിക്കാനുള്ള ദൗത്യം ഐ.എസ്.ആര്‍.ഒയുടെ വാണിജ്യവിഭാഗമായ ആന്‍ട്രിക്സ് കോര്‍പറേഷന്‍ ലിമിറ്റഡ് ഏറ്റെടുക്കുന്നത്. ഇതുസംബന്ധിച്ച് കരാര്‍ ഒപ്പിട്ടുകഴിഞ്ഞതായി ഐ.എസ്.ആര്‍.ഒയുടെ പബ്ളിക് റിലേഷന്‍സ് വിഭാഗം തലവന്‍ ദേവിപ്രസാദ് കാര്‍നിക് അറിയിച്ചു.