മുത്തച്ഛനും മുത്തശ്ശിയും എതിര്‍ത്തു; കുഞ്ഞിനെ ദത്തു നല്‍കുന്നത് കോടതി തടഞ്ഞു

ജയ്പൂര്‍: മുത്തച്ഛന്‍െറയും മുത്തശ്ശിയുടെയും എതിര്‍പ്പിനെ തുടര്‍ന്ന് അഞ്ചുമാസം പ്രായമുള്ള കുഞ്ഞിനെ ദത്തുനല്‍കാനുള്ള മാതാപിതാക്കളുടെ നീക്കം കോടതി തടഞ്ഞു.കുഞ്ഞിനെ തങ്ങള്‍ക്ക് വിട്ടുനല്‍കിയാല്‍ മതിയെന്ന് മുത്തച്ഛന്‍ ആവശ്യപ്പെട്ടെങ്കിലും മാതാപിതാക്കള്‍ തന്നെ വളര്‍ത്തിയാല്‍ മതിയെന്നും എന്നാല്‍, കുഞ്ഞിനെ സന്ദര്‍ശിക്കാനുള്ള അവസരം ഹരജിക്കാര്‍ക്കുണ്ടാവണമെന്നും കോടതി ഉത്തരവിട്ടു. മധ്യപ്രദേശിലെ ഖാന്ത്വാ ജില്ലയില്‍ ആശ്രമമുള്ള തങ്ങളുടെ മതഗുരുവിന് കുഞ്ഞിനെ കൈമാറാനായിരുന്നു മാതാപിതാക്കളുടെ തീരുമാനം.
ജൂലൈ 23ന് ഇതനുസരിച്ച് കൈമാറുകയും ചെയ്തു. ഇതേ തുടര്‍ന്ന് പരാതിക്കാര്‍ കോടതിയെ സമീപിക്കുകയായിരുന്നു. വിഷയത്തിന്‍െറ വൈകാരികത പരിഗണിച്ച് പ്രത്യേകമായി വാദം കേട്ട കോടതി കുഞ്ഞിനെ കോടതിയില്‍ ഹാജരാക്കാനും ഉത്തരവിട്ടിരുന്നു.