വന്ധ്യംകരണം കഴിഞ്ഞിട്ടും ഗര്‍ഭം; പരാതിയുമായി ഒമ്പത് കുട്ടികളുടെ മാതാവ്

അലിഗഢ്: വന്ധ്യംകരണ ശസ്ത്രക്രിയ നടത്തിയിട്ടും ഗര്‍ഭിണിയായ ഒമ്പത് കുട്ടികളുടെ മാതാവ് ആശുപത്രി അധികൃതര്‍ക്കെതിരെ പരാതി നല്‍കി. അലിഗഢിലെ മോഹന്‍ലാല്‍ ഗൗതം ജില്ലാ സര്‍ക്കാര്‍ അശുപത്രി അധികൃതര്‍ക്കെതിരെ കമലേഷ് എന്ന സ്ത്രീയാണ് പരാതി നല്‍കിയത്.
ആശുപത്രി അധികൃതരെ സമീപിച്ചപ്പോള്‍ അടുത്തകുട്ടിയെ ആര്‍ക്കെങ്കിലും വിറ്റ് പണം വാങ്ങാനായിരുന്നു ഉപദേശമെന്നും ഇവര്‍ പറഞ്ഞു.
2014 ജൂലൈ 31നാണ് കമലേഷിന് ശസ്ത്രക്രിയ നടത്തിയത്. ആശുപത്രി അധികൃതര്‍ സര്‍ട്ടിഫിക്കറ്റും നല്‍കി. എന്നാല്‍, ഏപ്രിലില്‍ ഇവര്‍ ഗര്‍ഭിണിയായി. അള്‍ട്രാ സൗണ്ട് സ്കാനിങ്ങിലും ഇക്കാര്യം സ്ഥിരീകരിച്ചു. തുടര്‍ന്ന് ഭര്‍ത്താവിനൊപ്പം ഇവര്‍ ജില്ലാ മെഡിക്കല്‍ ഓഫിസര്‍ക്ക് പരാതി നല്‍കുകയായിരുന്നു.