തട്ടിക്കൊണ്ടു പോക്കിന്​ പിന്നിൽ ത​‍െൻറ കമ്പനിയിൽ ജോലിചെയ്​തവരെന്ന്​ അഹമ്മദ്​

നാദാപുരം:തട്ടിക്കൊണ്ടു പോക്കിന്​ പിന്നിൽ ത​‍ൻെറ കമ്പനിയിൽ ജോലിചെയ്​തവരെന്ന്​ അഹമ്മദ്​ നാദാപുരം: തട്ടിക്കൊണ്ടു പോയതിനു പിന്നിൽ ഖത്തറിലെ ത‍ൻെറ സൾഫർ കെമിക്കൽ കമ്പനിയിൽ നേരത്തേ ജോലി ചെയ്തിരുന്ന മൂന്നു പേരാണെന്ന്​ തൂണേരിമുടവന്തേരിയിൽ നിന്ന് കാണാതായി തിരിച്ചെത്തിയ അഹമ്മദ്​ പറയുന്നു. പയ്യോളി സ്വദേശി അടക്കമുള്ള മൂന്നു പേർ നിരന്തരം ഫോണിൽ ഭീഷണിപ്പെടുത്തിയിരുന്നു.

ശനിയാഴ്ച പുലർച്ച പള്ളിയിലേക്ക് നമസ്കരിക്കാൻ പോകുമ്പോൾ കാറിലെത്തിയ അഞ്ചംഗ സംഘം കണ്ണും കൈയും കാലും കെട്ടി കാറി​‍ൻെറ ഡിക്കിയിലിട്ടാണ്​ കൊണ്ടുപോയത്. രണ്ടര മണിക്കൂറോളം യാത്ര ചെയ്​തു. യാത്രക്കിടെ കാറിൽ നിന്ന് മർദിച്ച​​ു. മൂന്നു​ പേരുടെ പേരുകൾ ചോദിച്ചിരുന്നു. ഒരു മുറിയിൽ പൂട്ടിയിട്ട് പിന്നീട് വിലപേശുകയായിരുന്നു. മൂന്നു​ ദിവസത്തിനു ശേഷം 500 രൂപ തന്ന് രാമനാട്ടുകരക്ക് അടുത്ത് ഇറക്കിവിടുകയും പിന്നീട് രാത്രിയോടെ വീട്ടിലെത്തുകയുമായിരുന്നു. പ്രതികളെ നിയമത്തിന് മുന്നിൽ കൊണ്ടുവരണമെന്ന് അഹമ്മദ് പറഞ്ഞു.

അഹമ്മദിൽനിന്ന് മൊഴിയെടുത്തു; അന്വേഷണം ഊർജ്ജിതം