നടിയെ ആക്രമിച്ച കേസ്: ദിലീപിന്റെ ജാമ്യം റദ്ദാക്കില്ലെന്ന് കോടതി

കൊച്ചി: സഹപ്രവർത്തകയായ നടിയെ തട്ടിക്കൊണ്ടു പോവുകയും അശ്ലീല ദൃശ്യങ്ങൾ പകർത്തുകയും ചെയ്ത കേസിൽ നടൻ ദിലീപിന്റെ ജാമ്യം റദ്ദാക്കില്ലെന്ന് ഹൈകോടതി. കേസിൽ എട്ടാം പ്രതിയാണ് ദിലീപ്.

സാക്ഷികളെ സ്വാധീനിക്കാൻ ശ്രമിച്ചെന്നും ജാമ്യം റദ്ദാക്കണമെന്നുമുള്ള സർക്കാറിന്റെ വാദം കോടതി തള്ളിയത് ദിലീപിന് ആശ്വാസമായി. ജസ്റ്റിസ് സോഫി തോമസിന്റെ ബെഞ്ചാണ് കേസിൽ വിധി പറഞ്ഞത്. സർക്കാർ വാദങ്ങൾ അടിസ്ഥാന രഹിതമാണെന്നും മുമ്പ് പലതവണ തള്ളിയതുമാണെന്നും ദിലീപ് സമർപ്പിച്ച അത്യവാങ്മൂലത്തിൽ പറഞ്ഞിരുന്നു.