പ്രമുഖരെ പിന്തള്ളി യൂട്യൂബിൽ ഏറ്റവും കൂടുതൽ കാഴ്​ചക്കാരുള്ള രണ്ടാമത്തെ ഗായികയായി നേഹ കക്കർ

ന്യൂഡൽഹി: ഇന്ത്യൻ സംഗീത ലോകത്ത്​ പുതുതരംഗം സൃഷ്​ടിച്ച ഗായികമാരിൽ ഒരാളാണ്​ നേഹ കക്കർ. ത​​െൻറ ഗാനങ്ങളിലൂടെ ലോകമെമ്പാടും കോടിക്കണക്കിന്​ ആരാധകരെ സമ്പാദിച്ച നേഹ കഴിഞ്ഞ ദിവസം ത​​െൻറ സംഗീത യാത്രയിലെ വലിയൊരു നേട്ടം സ്വന്തമാക്കി. 2019ൽ യൂടൂബിൽ ഏറ്റവും കൂടുതൽ കാഴ്​ചക്കാരെയുണ്ടാക്കിയ രണ്ടാമത്തെ ഗായികയായി നേഹ മാറി. അരിയാന ​ഗ്രാൻഡെ, ബില്ലി എലിഷ്​, സെലീന ഗോമസ്​ എന്നീ പ്രമുഖരെ പിന്തള്ളിയാണ്​ നേഹ രണ്ടാം സ്​ഥാനത്തെത്തിയത്​. 

അമേരിക്കൻ റാപ്പറായ കാർഡി ബിയാണ്​ 480 കോടി കാഴ്​ചക്കാരുമായി പട്ടികയിൽ ഒന്നാമതെത്തിയത്​. നേഹ കക്കറി​​െൻറ മ്യൂസിക്​ വീഡിയോകൾക്ക്​ ​ 450 കോടി കാഴ്​ചക്കാരെ നേടാനായി. നേഹയുടെ ഗാനങ്ങൾക്ക്​ വമ്പൻ സ്വീകരണമാണ്​ യൂട്യൂബിൽ ലഭിക്കുന്നത്​. അവരുടെ ഏറ്റവും പുതിയ ഗാനമായ ‘ഗോവ ബീച്ച്​’ എന്ന ഗാനത്തിന്​ മാത്രം 178 ദശലക്ഷം കാഴ്​ചക്കാരെ ലഭിച്ചു. 

Most viewed female artists on YouTube in 2019 (inc. features):

1. Cardi B — 4.8B
2. Neha Kakkar — 4.5B
3. Karol G — 4.2B
4. BLACKPINK — 4B
5. Ariana Grande — 3.7B
6. Marília Mendonça — 3.5B
7. Billie Eilish — 3.2B
8. Nicki Minaj — 2.9B
9. Becky G — 2.6B
10. Selena Gomez — 2.5B pic.twitter.com/4yQA6hHojG

— Ex-Acts Charts (@ExActs_Charts) May 3, 2020

പട്ടികയുടെ സ്​ക്രീൻഷോട്ട്​ സമുഹമാധ്യമ അക്കൗണ്ടുകളിൽ പങ്കുവെച്ച നേഹ പിന്തുണച്ച എല്ലാ ആരാധകർക്കും നന്ദി അറിയിച്ചു. കാരോൾ ജി (420 കോടി), ബ്ലാക്​ പിങ്ക്​ (400 കോടി), അരിയാന ഗ്രാൻഡെ (370 കോടി) എന്നിവരാണ്​ ആദ്യ അഞ്ച്​ സ്​ഥാനങ്ങളിലെത്തിയത്​. 250 കോടി കാഴ്​ചക്കാരുമായി സെലീന ഗോമസ്​ 10ാം സ്​ഥാനത്താണ്​.