നന്മയുടെ പാട്ടുകളുമായി തൃശൂർ നസീർ

ക​ൽ​പ​റ്റ: നാ​ലാ​ളു​ക​ൾ കൂ​ടു​ന്ന ഇ​ട​ങ്ങ​ളി​ൽ തൃ​ശൂ​ർ ന​സീ​ർ ഇ​ട​ത​ട​വി​ല്ലാ​തെ​ പാ​ടും. ചി​ല​പ്പോ​ൾ പാ​ട്ടി​ൽ നി​റ​യു​ന്ന​ത് ക​രു​ണ​യാ​കും​, മ​റ്റു ചി​ല​​പ്പോ​ൾ പ്ര​തി​ഷേ​ധ​മാ​കും. പ്ര​ള​യ​ത്തി​ൽ മു​ങ്ങി​യ​വ​രു​ടെ ക​ണ്ണീ​രൊ​പ്പാ​നും തെ​രു​വു​നാ​യ്​​ക്ക​ൾ പെ​രു​കു​ന്ന​തി​നെ​തി​രെ പ്ര​തി​ഷേ​ധി​ക്കാ​നും ന​സീ​ർ മ​ണി​ക്കൂ​റു​ക​ളോ​ളം പാ​ടി​യി​ട്ടു​ണ്ട്. ജ​ന്മ​സി​ദ്ധ​മാ​യി ല​ഭി​ച്ച ക​ല സ​മൂ​ഹ​ത്തി​​​​​​​​​​​​​​​​​​​​​​​​​​​​​​​​​​​​െൻറ ഉ​ന്ന​മ​ന​ത്തി​നാ​യി ഉ​പ​യോ​ഗി​ക്കു​ക​യാ​ണ്​ ന​സീ​ർ.

ഇ​പ്പോ​ൾ പി​ന്നാ​ക്ക ജി​ല്ല​യാ​യ വ​യ​നാ​ടി​നു വേ​ണ്ടി​യാ​ണ്​ ഇൗ ​തൃ​ശൂ​ർ സ്വ​ദേ​ശി​യു​ടെ പാ​ട്ടു​ക​ൾ. ന​ഞ്ച​ന്‍കോ​ട് ​-വ​യ​നാ​ട് -നി​ല​മ്പൂ​ര്‍ ​​െറ​യി​ല്‍വേ യ​ഥാ​ർ​ഥ്യ​മാ​ക്ക​ണ​മെ​ന്നും രാ​ത്രി​യാ​ത്ര നി​രോ​ധ​നം പി​ൻ​വ​ലി​ക്ക​ണ​മെ​ന്നും ആ​വ​ശ്യ​പ്പെ​ട്ട്​ സം​ഗീ​ത യ​ജ്ഞ​ത്തി​ലാ​ണ് ന​സീ​ർ.

ഞാ​യ​റാ​ഴ്​​ച ക​ൽ​പ​റ്റ അ​ന​ന്ത​വീ​ര തി​യ​റ്റ​റി​നു സ​മീ​പം സം​ഗീ​ത പ​രി​പാ​ടി അ​വ​ത​രി​പ്പി​ച്ചു. രാ​വി​ലെ ആ​രം​ഭി​ച്ച സം​ഗീ​ത പ​രി​പാ​ടി​യി​ൽ പ​ഴ​യ​തും പു​തി​യ​തു​മാ​യ മ​ല​യാ​ളം, ത​മി​ഴ്​, ഹി​ന്ദി സി​നി​മ​ഗാ​ന​ങ്ങ​ൾ ഒ​ന്നി​നു പി​റ​കെ ഒ​ന്നാ​യി ഒ​ഴു​കി​യെ​ത്തി. 353ല​ധി​കം ഗാ​ന​ങ്ങ​ൾ ന​സീ​ർ ആ​ല​പി​ച്ചു. പാ​ട്ടു​ക​ൾ​ക്കി​ട​യി​ൽ മൗ​ത്ത്​ ഒാ​ർ​ഗ​ൻ വാ​യി​ച്ചു, മി​മി​ക്രി അ​വ​ത​രി​പ്പി​ച്ചു. ന​സീ​റി​ന് പി​ന്തു​ണ​യു​മാ​യി യാ​ത്ര​ക്കാ​രും നാ​ട്ടു​കാ​രും എ​ത്തി. രാ​വി​ലെ ഒ​മ്പ​തി​നാ​രം​ഭി​ച്ച ഒ​റ്റ​യാ​ൾ ​േപാ​രാ​ട്ടം അ​വ​സാ​നി​ച്ച​ത്​ രാ​ത്രി ഒ​മ്പ​തി​നാ​ണ്. ക​ഴി​ഞ്ഞ ശ​നി​യാ​ഴ​്​​ച ബ​ത്തേ​രി മു​നി​സി​പ്പ​ല്‍ കോ​മ്പൗ​ണ്ടി​ൽ പ​രി​പാ​ടി അ​വ​ത​രി​പ്പി​ച്ചി​രു​ന്നു.

ഒ​രു​ല​ക്ഷം ഒ​പ്പ്‌ ശേ​ഖ​രി​ച്ച്‌ പ്ര​ധാ​ന​മ​ന്ത്രി, പ്ര​സി​ഡ​ൻ​റ്​, സു​പ്രീം​കോ​ട​തി ചീ​ഫ്‌ ജ​സ്​​റ്റി​സ്‌ എ​ന്നി​വ​ര്‍ക്ക്‌ കൈ​മാ​റാ​നു​ള്ള ഒ​രു​ക്ക​ത്തി​ലാ​ണ്​ ന​സീ​ർ. ഇ​തു​വ​രെ 35,000 ഒ​പ്പ്​ ശേ​ഖ​രി​ച്ചു​ക​ഴി​ഞ്ഞു. അ​ടു​ത്ത​താ​യി സെ​ക്ര​േ​ട്ട​റി​യ​റ്റി​ന്​ മു​ന്നി​ലും നി​രാ​ഹാ​ര​മി​രി​ക്കാ​നാ​ണ് ന​സീ​റി​​​​​​​​​​​​​​​​​​​​​​​​​​​​​​​​​​​​െൻറ തീ​രു​മാ​നം. ന​ഞ്ച​ന്‍കോ​ട്​ -വ​യ​നാ​ട് -നി​ല​മ്പൂ​ര്‍ ​​െറ​യി​ല്‍വേ ആ​വ​ശ്യ​വു​മാ​യി മു​മ്പ്​ വ​ണ്ടൂ​രും നി​ല​മ്പൂ​രും പ​രി​പാ​ടി അ​വ​ത​രി​പ്പി​ച്ചി​ട്ടു​ണ്ട്.

113 മ​ണി​ക്കൂ​ര്‍ തു​ട​ര്‍ച്ച​യാ​യി പ​രി​പാ​ടി അ​വ​ത​രി​പ്പി​ച്ച് ഗി​ന്ന​സ് ബു​ക്കി​ല്‍ ഇ​ടം നേ​ടി​യ ആ​ളാ​ണ്​ ന​സീ​ര്‍. തെ​രു​വു​നാ​യ്​ വി​ഷ​യ​ത്തി​ല്‍ 50​ നാ​യ്​​ക്ക​ളു​മാ​യി ഡ​ല്‍ഹി​യി​ലെ​ത്തി പ്ര​തി​ഷേ​ധി​ച്ചി​രു​ന്നു. പ്ര​തി​ഫ​ല​മാ​ഗ്ര​ഹി​ക്കാ​തെ സ്വ​ന്തം ചെ​ല​വി​ൽ ഉ​പ​ക​ര​ണ​ങ്ങ​ൾ വാ​ട​ക​ക്കെ​ടു​ത്താ​ണ്​ ന​സീ​ർ പ​രി​പാ​ടി അ​വ​ത​രി​പ്പി​ക്കു​ന്ന​ത്. ഗു​രു​വാ​യൂ​​രി​ൽ അ​ഭ​യ​മി​ല്ലാ​തെ അ​ല​ഞ്ഞ 10 അ​മ്മ​മാ​രെ ഏ​റ്റെ​ടു​ത്ത് ജീ​വി​ത​ത്തി​ലേ​ക്ക്​ കൈ​പി​ടി​ച്ചു​ന​ട​ത്തു​ന്നു​മു​ണ്ട്​ ന​സീ​ർ.