എസ്​.പി.ബിയും ഇളയരാജയും തമ്മിലെ പ്രശ്​നങ്ങൾ പരിഹരിക്കണം -ഗായകൻ ഹരിഹരൻ

കോട്ടയം: എസ്​.പി. ബാലസുബ്രണ്യവും ഇളയരാജയും തമ്മിലെ പ്രശ്​നങ്ങൾ പരിഹരിക്കണമെന്നത്​ ആഗ്രഹമാണെന്ന്​ ഗായകൻ ഹരിഹരൻ. കോട്ടയത്ത് ആദ്യമായി അവതരിപ്പിക്കുന്ന ‘സിംഫണി ഓഫ് എംപതി’ എന്ന സംഗീതനിശയുടെ ഭാഗമായി നടത്തിയ വാർത്തസമ്മേളനത്തിലാണ്​ ഇക്കാര്യം വ്യക്​തമാക്കിയത്​. സംഗീതത്തിന്‍റെ െട്രൻഡുകൾ എക്കാലത്തും മാറും. ഇത്​ സംഗീതത്തിന്​ ഗുണകരമാണ്​. ഇതോടൊപ്പം ഉണ്ടാകുന്ന പരീക്ഷണങ്ങളും നല്ലതാണ്​. വർഷത്തിൽ ഒന്നോ രണ്ടോ പാട്ടകുകൾ മാത്രമെ പരീക്ഷണങ്ങളിൽ വിജയിക്കാറുള്ളൂ. കോട്ടയത്ത് ആദ്യമായി സംഗീത പരിപാടി അവതരിപ്പിക്കുന്നതി​െൻറ സന്തോഷമു​െണ്ടന്നും അദ്ദേഹം പറഞ്ഞു.

വാർത്തസമ്മേളനത്തിൽ  ഗാനവും ആലപിച്ചാണ്​ മടങ്ങിയത്​. ശനിയാഴ്​ച വൈകീട്ട്​ ആറിന്​ കോട്ടയം ബസേലിയസ്​ കോളജ്​  ഗ്രൗണ്ടിൽ ആർട്സ്​ ഫൗണ്ടേഷൻ കോട്ടയത്തി​​െൻറ ആഭിമുഖ്യത്തിലാണ്​ സിംഫണി ഒരുക്കിയിരിക്കുന്നത്​. ഹരിഹരനൊപ്പം ഗ്രാമി അവാർഡ് ജേതാവ് മനോജ് ജോർജ്​, സിത്തറിസ്​റ്റ് ഉസ്​താദ് രവിചാരി, ഫ്രഞ്ച് ഗിത്താറിസ്​റ്റ്​ മിഷ്കോ എംബ തുടങ്ങി 30ലേറെ കലാകരൻന്മാർ ​പ​െങ്കടുക്കും. ഇതോടൊപ്പം വിവിധ മേഖലകളിലെ സമഗ്ര സംഭാവനക്ക്​ ലൈഫ് ടൈം അച്ചീവ്മ​െൻറ്​ അവാർഡ് ഗോകുലം ഗ്രൂപ്​ ഓഫ് കമ്പനീസ്​ ചെയർമാനും മാനേജിങ് ഡയറക്ടറുമായ ഗോകുലം ഗോപാലന്​ സമ്മാനിക്കും.