അപരാധ പങ്ക; മറഡോണയിലെ റാപ്​ സോങ്​ VIDEO

മായാനദി എന്ന സൂപ്പർഹിറ്റ്​ ചിത്രത്തിന്​ ശേഷം ടൊവിനോ തോമസ് പ്രധാനവേഷത്തിലെത്തുന്ന മറഡോണ എന്ന ചിത്രത്തിലെ രണ്ടാം ഗാനം പുറത്തുവിട്ടു. ആദ്യ ഗാനത്തിൽ നിന്നും വിഭിന്നമായി ഒരു റാപ് സോങ്ങാണ്​ ആരാധകർക്കായി പുറത്തുവിട്ടിരിക്കുന്നത്​. ഫെജോയുടെ വരികൾക്ക് സുഷിന്‍ ശ്യാമാണ്​ സംഗീതം നൽകിയിരിക്കുന്നത്​​.

നവാഗതനായ വിഷ്ണു നാരായണ്‍ സംവിധാനം ചെയ്യുന്ന ചിത്രത്തില്‍ പുതുമുഖം ശരണ്യയാണ് നായിക. ചെമ്പന്‍ വിനോദ് ജോസ്, ടിറ്റോ ജോസ്, കിച്ചു ടെല്ലസ്, ലിയോണ ലിഷോയ് എന്നിവരും പ്രധാന വേഷങ്ങളിലുണ്ട്​. കൃഷ്ണമൂര്‍ത്തി തിരക്കഥ എഴുതിയ ചിത്രം നിര്‍മ്മിക്കുന്നത് മിനി സ്റ്റുഡിയോ ആണ്. വിനോദ് കുമാറാണ് നിര്‍മ്മാതാവ്. ജൂണ്‍ 22നാണ്​ ചിത്രം തിയറ്ററുകളിലെത്തുക.

ഗാനം കേൾക്കാൻ ഇൗ ലിങ്കിൽ പോവുക>>>  അപരാധ പങ്ക