ഗസലിന്‍റെ സുൽത്താന്​ യാത്രാമൊഴി

മട്ടാഞ്ചേരി: ഗസലി​​െൻറ വിഷാദഭരിതമായ കാവ്യാത്മകതയിലൂടെ മലയാളിയുടെ ഹൃദയത്തില്‍ ഇടംപിടിച്ച ഗായകൻ ഉമ്പായിക്ക് ജന്മനാടി‍​െൻറ യാത്രാമൊഴി. ബുധനാഴ്ച വൈകീട്ട് കൂവപ്പാടത്തെ വസതിയില്‍ മൃതദേഹം എത്തിച്ചപ്പോള്‍ തുടങ്ങിയ ജനപ്രവാഹം വ്യാഴാഴ്ച ഖബറടക്കം വരെ തുടര്‍ന്നു. സംസ്ഥാനത്തിന്‍റെ വിവിധ ഭാഗങ്ങളില്‍നിന്നുള്ള സംഗീതപ്രേമികള്‍ പ്രിയഗായകനെ അവസാനമായി കാണാൻ ഒഴുകിയെത്തി. അർബുദത്തെത്തുടർന്ന്​ ചികിത്സയിലിരുന്ന ഉമ്പായി എന്ന പി.എ. ഇബ്രാഹീം ബുധനാഴ്​ച വൈകീട്ടാണ്​ അന്തരിച്ചത്​. ഫോർട്ട്​കൊച്ചി കൽവത്തി ജുമാമസ്​ജിദ്​ ഖബർസ്ഥാനിൽ ഒൗദ്യോഗിക ബഹുമതികളോടെയായിരുന്നു ഖബറടക്കം.

വ്യാഴാഴ്​ച രാവിലെ ഒമ്പതോടെ മൃതദേഹം കല്‍വത്തി കമ്യൂണിറ്റി ഹാളിൽ പൊതുദര്‍ശനത്തിന്​ എത്തിച്ചു. മന്ത്രി രാമചന്ദ്രന്‍ കടന്നപ്പള്ളി, സംസ്ഥാന വനിത കമീഷന്‍ ചെയര്‍പേഴ്​സൻ എം.സി. ജോസഫൈന്‍, സംഗീതസംവിധായകൻ എം.കെ. അർജുനൻ, എം.എല്‍.എമാരായ വി.കെ. ഇബ്രാഹിംകുഞ്ഞ്, വി.ഡി. സതീശന്‍, ജോൺ ഫെർണാണ്ടസ്, എം. സ്വരാജ്, കെ.വി. അബ്​ദുല്‍ ഖാദര്‍, ഹൈബി ഈഡന്‍, കെ.ജെ. മാക്സി, കലക്ടര്‍ കെ. മുഹമ്മദ് വൈ. സഫീറുല്ല, സിറ്റി പൊലീസ് കമീഷണര്‍ എം.പി. ദിനേശ്, കവി എസ്. രമേശന്‍, ഡി.ഐ.ജി പി. വിജയന്‍, മുന്‍ എം.എല്‍.എമാരായ ഡൊമിനിക് പ്രസ​േൻറഷന്‍, സി.എം. ദിനേശ് മണി, ഗായകരായ അഫ്​സല്‍, പ്രദീപ് പള്ളുരുത്തി, കൊച്ചിന്‍ ആസാദ്, ആര്‍.ഡി.ഒ എസ്. ഷാജഹാന്‍ തുടങ്ങിയവര്‍ അ​േന്ത്യാപചാരം അര്‍പ്പിക്കാൻ എത്തിയിരുന്നു.

ഉച്ചയോടെ ഖബറടക്കം നടന്ന​ു. ജന്മദേശമായ നെല്ലുകടവില്‍നിന്ന് എത്തിയവര്‍ തങ്ങളുടെ പ്രിയസുഹൃത്ത്​ ബാക്കിവെച്ച ഗസൽ ഇൗരടികൾ നെഞ്ചിലേറ്റി കണ്ണീരോടെയാണ് അദ്ദേഹത്തെ യാത്രയാക്കിയത്.