ദൈവം ശ്രുതിയിട്ട ഗാനം

08:00 AM
10/01/2020
yesudas

എക്കാലത്തും പ്രസക്​തമായ മതസമഭാവനയുടെ അതിശക്​തമായ സ​ന്ദേശം പാടി കേരളത്തിന്​ ശുദ്ധസംഗീതത്തി​​​​​െൻറ സ്വരസ്​ഥാനങ്ങൾ സമ്മാനിച്ച ഗന്ധർവനാദത്തിന്​ ഇന്ന്​ 80 വയസ്സ്​. കെ.ജെ. യേശുദാസ്​, മലയാളത്തി​​​​െൻറ ദാസേട്ടൻ. ആറു പതിറ്റാണ്ടായി ദിവസത്തിൽ ഒരു തവണയെങ്കിലും മലയാളിയ​ുടെ കാതിൽ തേൻമഴയായി പെയ്​തിറങ്ങുന്നു ഈ രാഗമാധുര്യം. ലോകത്ത് മലയാളി ഉള്ളിടത്തെല്ലാം ദാസേട്ട​​​​​െൻറ പാട്ടുമുണ്ട്​. ആ അർഥത്തിൽ ലോകഗായകനായി വാഴ്​ത്താം ഇൗ നാദ വിസ്​മയത്തെ. സന്തോഷം, ദുഃഖം, പ്രണയം, വിരഹം, ഉല്ലാസം, ഭക്​തി തുടങ്ങി എല്ലാ അനുഭൂതികളും ദാസേട്ട​​​​​െൻറ ആലാപനത്തിലൂടെ മലയാളിക്കായി ആവിഷ്​കരിക്കപ്പെട്ടു. ​

പതിറ്റാണ്ടുകളോളം രണ്ടാമതോ മൂന്നാമതോ പോലും ആരുമില്ലാത്ത വിധം മലയാള സിനിമാ ഗാനരംഗത്ത്​ ഒന്നാമനായിരുന്നു യേശുദാസ്​. അതേ കാലത്തുതന്നെ കച്ചേരികളിലൂടെ ശാസ്​ത്രീയ സംഗീത ​േ​പ്രമികളുടെ മനസിലും ​പ്രഥമസ്​ഥാനത്ത്​ അദ്ദേഹം കുടിയേറി. നസീർ, മധു, സത്യൻ/ ജയൻ, സുകുമാരൻ, സോമൻ/ മമ്മൂട്ടി, മോഹൻലാൽ, സുരേഷ്​ ഗോപി/ തുടങ്ങി അതത്​ കാലഘട്ടത്തിലെ നായകത്രയങ്ങൾ മാത്രമല്ല പുതുതലമുറയിലെ നിവിൻ പോളി അടക്കമുള്ള താരങ്ങൾ തിരശ്ശീലയിൽ അദ്ദേഹത്തെ ഏറ്റുപാടി. ഇന്നത്തെ നായകർക്ക് അദ്ദേഹത്തി​േൻറതു പോലെ മധുരവും പരിഷ്കൃതവുമായ ശബ്ദം ആവശ്യമില്ലെന്ന്​ പറയ​ു​േമ്പാൾ പോലും മലയാളത്തിന്​ ഒരു ‘ലീഡ്​’ ഗായകൻ ഇല്ലാത്തത്​ യേശുദാസി​ന്​ പകരക്കാരനില്ലെന്നത്​ അടിവരയിടുന്നു​

കമുകറ പുരുഷോത്തമൻ, മെഹബൂബ്, കെ.പി. ഉദയഭാനു, എ.എം. രാജ, സി.ഒ. ആ​േൻറാ, പി.ബി. ശ്രീനിവാസ് തുടങ്ങിയവരെ‌യൊക്കെ മറികടന്ന്​ ഏത്​ റേഞ്ചിലും പാടുന്ന ദാസി​​​​​െൻറ മധുരശബ്ദം എത്തിയതോടെ എങ്ങിനെ വേണമെങ്കിലും പാട്ട്​ ക​േമ്പാസ്​ ചെയ്യാനുള്ള സ്വാതന്ത്ര്യവും സംഗീത സംവിധായകർക്ക്​ ലഭിച്ചു. ദക്ഷിണാമൂർത്തി, ദേവരാജൻ, കെ.രാഘവൻ, ബാബുരാജ്, എം.കെ. അർജുനൻ, എം.എസ്. വിശ്വനാഥൻ എന്നിവരുടെ കാലത്തിനു ശേഷം എ.ടി. ഉമ്മർ, കെ.ജെ. ജോയ്, ശ്യാം, ജെറി അമൽദേവ് തുടങ്ങിയവരിൽ എത്തുമ്പോൾ ദാസിന്റെ ആലാപനത്തിന്റെ അനായാസ കാലമായി. രവീന്ദ്രൻ, ജോൺസൺ, എം. ജയചന്ദ്രൻ എന്നിവരിലേക്ക് എത്തിയപ്പോൾ വീണ്ടും ആലാപനവെല്ലുവിളികളുടെ ഈണങ്ങൾ പിറന്നു​. യേശുദാസിൽ ഏഴു ശൈലിയിലുള്ള ഗായകർ ഉണ്ടെന്നാണ്​ സ്വര വിദഗ്​ധരുടെ നിരീക്ഷണം. അങ്ങിനെ ദൈവം ശ്രുതിയിട്ട​ സപ്​തസ്വരങ്ങളോടാണ്​ യേശുദാസി​​​​​െൻറ സമകാലികർക്ക്​ മത്സരിക്കേണ്ടി വന്നതും. 

തമിഴ്, തെലുങ്ക്, കന്നഡ, ഹിന്ദി, സംസ്​കൃതം, ബംഗാളി, ഒറിയ, കശ്​മീരി, പഞ്ചാബി, ആസാമി, കൊങ്കിണി തുടങ്ങിയ ഇന്ത്യൻ ഭാഷകളിലും അറബിക്​, ഇംഗ്ലീഷ്​, റഷ്യൻ, ലാറ്റിൻ, ചൈനീസ്​ തുടങ്ങി വിദേശ ഭാഷകളിലും അദ്ദേഹം സംഗീതമുദ്ര ചാർത്തി. പാടിയ 80,000ത്തിനടുത്ത്​ ഗാനങ്ങൾക്കും പത്​മശ്രീ, പദ്​മഭൂഷൺ, പദ്​മവിഭൂഷൺ തുടങ്ങിയ ബഹുമതികൾക്കും ദേശീയ അവാർഡുകൾ അടക്കമുള്ള അസംഖ്യം പുരസ്​കാരങ്ങൾക്കും അപ്പുറം അരനൂറ്റാണ്ടിലേറെ പ്രതിഭ നിലനിർത്താനായത്​ ശ്വാസത്തിൽ പോലും സംഗീതമുള്ള യേശുദാസിനെ വേറിട്ട്​ നിർത്തുന്നു.

അഭിനേതാവെന്ന നിലക്കും യേശുദാസ്​ മലയാള സിനിമയിൽ സ്വന്തം അടയാളം പതിച്ചിട്ടുണ്ട്​. നസീർ നായകനായ 1965ലെ ‘കാവ്യമേള’ മുതൽ 2012ൽ ഇറങ്ങിയ ‘തെരുവുനക്ഷത്രങ്ങൾ’ വരെയുള്ള 11 സിനിമകൾ. മിക്കതിലും ഗായക​​​​​െൻറ വേഷമാ​യിരുന്നെങ്കിലും ‘കായംകുളം കൊച്ചുണ്ണി’യിലെ ഖാദർ എന്ന ഉപനായകനും ‘അനാർക്കലി’യിലെ താൻസനുമൊക്കെ ദാസിലെ അഭിനയ പ്രതിഭയെയും ലോകത്തിന്​ കാണിച്ചുകൊടുത്തു.

പതിറ്റാണ്ടുകൾക്കു മുൻപു കണ്ട അതേ കണിശതയോടെയും സമർപ്പണത്തോടെയും എൺപതാം വയസ്സിലും സംഗീതം ഉപാസിക്കുന്നത്​ ഗുരുക്കന്മാർക്കുള്ള ദക്ഷിണയാണെന്നാണ്​ യേശുദാസ്​ പറയുന്നത്​. ചെ​ൈമ്പ വൈദ്യനാഥ ഭാഗവതരുടെ ശിഷ്യനാകാൻ കഴിഞ്ഞത്​ ജന്മസുകൃതമായി കരുതുന്ന യേശുദാസ്​ എന്നും സൂക്ഷിക്കുന്നൊരു ജന്മദിന സമ്മാനമുണ്ട്​. 33ാം ജന്മദിനത്തിൽ ചെ​ൈമ്പ സമ്മാനിച്ച തംബുരു. ഈ തംബുരുവിൽ ശ്രുതിയിട്ട്​ പഠിച്ച മകൻ വിജയ് യേശുദാസിനെ​ സംഗീത വഴിയിൽ പിതാവിന്​ പിൻഗാമിയായി ​കൈരളിക്ക്​ ലഭിച്ചു. ഇപ്പോൾ വിജയ്​ യേശുദാസി​​​​​െൻറ മകൾ അമേയയെ അരികിലിരുത്തി സംഗീതപാഠങ്ങൾ പകർന്നു നൽകുന്നു യേശുദാസ്​.   

അഗസ്​റ്റിൻ​ ജോസഫ്​, യേശുദാസ്​, വിജയ്​, അമേയ... തലമുറകളിലൂടെ ഒഴുകുകയാണ്​ ഈ സ്വരരാഗ ഗംഗ... 

Loading...
COMMENTS