ജസ്​റ്റിൻ ബീബർ വിവാഹിതനാകുന്നു

09:35 AM
09/07/2018
justin.

ന്യൂയോർക്ക്​: കനേഡിയൻ പോപ്​ ഗായകൻ ജസ്​റ്റിൻ ബീബറും മോഡൽ ഹെയ്​ലി ബാൾഡ്​വിനും വിവാഹിതാകുന്നു. ഇരുവരും തമ്മിലുള്ള വിവാഹനിശ്ചയം കഴിഞ്ഞതായി സി.എൻ.എൻ റിപ്പോർട്ട്​ ചെയ്​തു. 2016 ൽ പിരിഞ്ഞ പ്രണയജോഡികൾ വീണ്ടും ഒരുമിച്ചതായി വാർത്തകളുണ്ടായിരുന്നു. ഹെയ്​ലിയുമായി അകന്ന ബീബർ പോപ്​ ഗായിക സെലീന ഗോമസുമായി പ്രണയത്തിലായിരുന്നു. 

ഹോളിവുഡ്​ നടനും നിർമാതാവുമായ സ്​റ്റീഫൻ ബാൾഡ്​വിന്നി​​​െൻറ മകളാണ്​ ഹെയ്​ലി. അമേരിക്കൻ വോഗ്​, മാരി ക്ലയർ, സ്​പാനിഷ്​ ഗാർപേഴ്​സ്​ ബസാർ തുടങ്ങിയ മാഗസിനുകളുടെ മോഡലായി ഹെയ്​ലി എത്തിയിട്ടുണ്ട്​. മോഡലിങ്​ രംഗത്ത്​ പ്രശ്സ്​തയായ ഹെയ്​ലി മ്യൂസിക്​ വിഡിയോകളിലും ടെലിവിഷൻ ഷോകളിലും അഭിനയിച്ചിട്ടുണ്ട്​. 

ജസ്​റ്റിൻ ബീബറുടെ ചിത്രം ഇൻസ്​റ്റഗ്രാമിൽ പങ്കുവെച്ച പിതാവ്​ ജെർമി ബീബർ ‘ആവേശത്തോടെ അടുത്ത അധ്യായത്തിനായി കാത്തിരിക്കുന്നു’വെന്ന്​ കുറിച്ചു. മാതാവ്​ പാറ്റിയും സ്​നേഹമെന്ന്​ ഇൻസ്​റ്റഗ്രാമിൽ കുറിച്ചിട്ടുണ്ട്​. 
 

Loading...
COMMENTS