പിന്നണി ഗായകര്‍ക്ക് റോയല്‍റ്റി: നടപടി ശക്തമാക്കാൻ ഇസ്ര

കൊച്ചി: ചലച്ചിത്ര പിന്നണി ഗായകര്‍ക്ക് റോയല്‍റ്റി ലഭ്യമാക്കാനുള്ള നടപടികൾ ശക്​തമാക്കാൻ ഇന്ത്യന്‍ സിങ്ങേഴ്‌സ് റൈറ്റ്‌സ് അസോസിയേഷൻ (ഇസ്ര). കൊച്ചിയിൽ വ്യാഴാഴ്​ച ചേർന്ന സംഘടനയുടെ കേരളത്തിലെ ആദ്യ യോഗത്തിലാണ്​ തീരുമാനം.

രാജ്യത്തി​​െൻറ വിവിധ ഭാഗങ്ങളില്‍നിന്നുള്ള 730 ഗായകർക്ക്​ കഴിഞ്ഞവര്‍ഷം 51 ലക്ഷം രൂപയാണ് ഇസ്ര റോയല്‍റ്റി ഇനത്തില്‍ പിരിച്ചെടുത്ത്​ വിതരണം ചെയ്തത്. റോയല്‍റ്റി ലഭ്യമാക്കാൻ ആവശ്യപ്പെട്ട്​ ടി.വി ചാനലുകള്‍, എഫ്.എം റേഡിയോ സ്​റ്റേഷനുകള്‍, സ്‌പോര്‍ട്ടിങ്​ ഇവൻറ്​, ന്യൂമീഡിയ എന്നിവക്ക്​ കത്ത്​​ നല്‍കിയതായി ഇസ്ര സി.ഇ.ഒ സഞ്ജയ് ടണ്​ഠന്‍ അറിയിച്ചു. നിലവില്‍ 328 അംഗങ്ങളാണ് ഇസ്രയിലുള്ളത്. പ്രവര്‍ത്തനം ആരംഭിച്ച് രണ്ടുവര്‍ഷത്തിനകം ആദ്യ റോയല്‍റ്റി വിതരണം ചെയ്യാനായത് വലിയ നേട്ടമാണെന്ന്​ ഇസ്ര ഡയറക്ടര്‍ ശ്രീനിവാസ് പറഞ്ഞു. 

ഇസ്രയിലെ അംഗങ്ങളുടെ ഗാനങ്ങള്‍ വാണിജ്യപരമായ ആവശ്യങ്ങൾക്ക്​ പാടുകയോ ഉപയോഗിക്കുകയോ ചെയ്യാൻ സംഘടനയുടെ നിര്‍ദിഷ്​ട നിരക്കുകള്‍ പ്രകാരം റോയല്‍റ്റി അടച്ച് അനുമതി നേ​േടണ്ടിവരുമെന്ന്​ ഭാരവാഹികൾ പറഞ്ഞു. ലത മങ്കേഷ്​കർ, സുരേഷ് വാധ്കര്‍, സോനു നിഗം, തലത് അസീസ്, സഞ്ജയ് ടണ്​ഠന്‍ എന്നിവരാണ്​ ഇസ്രയുടെ ഉപദേശകസമിതി അംഗങ്ങൾ. 

 ഗായകരായ പി. ജയചന്ദ്രന്‍, ജി. വേണുഗോപാൽ, അഫ്‌സല്‍, മധു ബാലകൃഷ്ണന്‍, ബിജു നാരായണന്‍, വിധു പ്രതാപ്, പ്രദീപ് പള്ളുരുത്തി, സുധീപ് കുമാര്‍, അരുണ്‍ ആലാട്ട്, പ്രദീപ് ബാബു, റെജു ജോസഫ്, സ്​മിത രാജീവ്, പുഷ്പലത, രഞ്ജിത്ത് ഉണ്ണി, ഗണേഷ് സുന്ദരം, അലക്‌സ്, ഉദയ് രാമചന്ദ്രന്‍, അഖില, സരിത റാം, ചിത്ര അരുണ്‍, ​േജ്യാത്സ്‌ന, രഞ്ജിനി ജോസ്, ബേബി ശ്രേയ, രമേഷ് ബാബു, സംഗീത ശ്രീകാന്ത്, പ്രകാശ് ബാബു, വിപിന്‍ സേവ്യര്‍ തുടങ്ങിയവര്‍ പങ്കെടുത്തു.