വിലക്ക്​ കാര്യമാക്കുന്നില്ല; ചിന്മയി തൻെറ സിനിമകളിൽ പാടും -ഗോവിന്ദ്​ വസന്ത

മീടൂ ആരോപണം ഉന്നയിച്ചതിനെ തുടർന്ന്​ തമിഴ്​ സിനിമയിൽ വിലക്ക്​ നേരിടുന്ന പ്രശസ്​ത ഗായിക ചിന്മയി ശ്രീപദക്ക്​ പിന്തുണയുമായി സംഗീത സംവിധായകൻ ഗോവിന്ദ്​ വസന്ത. പറ്റില്ലെന്ന്​ പറയുന്നത്​ വരെ ചിന്മയി ശ്രീപദ താൻ സംഗീത സംവിധ ാനം നിർവഹിക്കുന്ന ചിത്രങ്ങളിൽ പാടുമെന്ന്​ ഗോവിന്ദ്​ ട്വിറ്ററിൽ കുറിച്ചു. തൻെറ സാന്നിധ്യത്തിൽ ഇക്കാര്യത്തി ൽ മറ്റാരും തീരുമാനം എടുക്കില്ലെന്നും ഗോവിന്ദ്​ വ്യക്​തമാക്കി.

ഗോവിന്ദ്​ സംഗീതം നൽകിയ സൂപ്പർ ഹിറ്റ്​ ചി ത്രം 96ൽ ഗാനങ്ങൾ ആലപിച്ചതും നായിക തൃഷക്ക്​ ശബ്​ദം നൽകിയതും ചിന്മയി ആയിരുന്നു. ഇൗ ചിത്രം പുറത്തിറങ്ങിയതിന്​ പിന ്നാലെയായിരുന്നു തമിഴ്​ സിനിമയിൽ നിന്നും ചിന്മയിയെ വിലക്കുന്നത്​.

This @govind_vasantha is the man. pic.twitter.com/m8utSZYLKI

— Chinmayi Sripaada (@Chinmayi) March 25, 2019

തമിഴകത്ത്​ മീടൂ ആരോപണങ്ങൾക്ക്​ തുടക്കം കുറിച്ചത്​ ചിന്മയിയായിരുന്നു. ഗായികയും ഡബിങ്​ ആർട്ടിസ്റ്റുമായി ചിന്മയി കവിയും ഗാനരചയിതാവുമായ വൈരമുത്തുവിനെതിരെയായിരുന്നു ആദ്യം ആരോപണമുന്നയിച്ചത്​. വൈകാതെ പ്രശസ്ത ഗായകൻ കാർത്തിക്കിനെതിരെയും ആരോപണവുമായി എത്തി. നയൻതാരക്കെതിരെ വിവാദ പരാമർശം നടത്തി വെട്ടിലായ നടൻ രാധാ രവിക്കെതിരെയും ചിന്മയി പരാതിയുമായി എത്തിയിരുന്നു.

എന്നാൽ സിനിമാ മേഖലയിൽ നിന്നും അത്ര സുഖകരമല്ലാത്ത നടപടികളാണ് പിന്നീട്​​ ചിന്മയി നേരിട്ടത്​​. തമിഴ്​ ഇൻഡസ്​ട്രിയിൽ ചിന്മയിക്ക്​ വിലക്കേർപ്പെടുത്തി. അതിന്​ മുന്നിൽ നിന്നതാക​ട്ടെ രാധാ രവിയും. പീഡനത്തിനെതിരെയോ സാമ്പത്തിക തിരിമറികൾക്കെതിരെയോ സംസാരിക്കുന്നവരെ ഡബ്ബിങ്​ യൂണിയൻ വർഷങ്ങളായി വിലക്കുകയാണെന്നും ചിന്മയി ട്വിറ്ററിലൂടെ വെളിപ്പെടുത്തിയിരുന്നു.

Yes.
The Dubbing Union headed by Radha Ravi has been banning talented artistes or PROs for years if they spoke up against harassment or financial mismanagement.
Since Dubbing Union is affiliated to FEFSI, a Dubbing Union ban = they wont work with you. https://t.co/ULqsMmSW0Y

— Chinmayi Sripaada (@Chinmayi) March 25, 2019

തമിഴ്​ സിനിമയിലെ ഡബ്ബിങ്​ അസോസിയേഷനിൽ നിന്നും ചിന്മയിയെ വിലക്കിയതിനെ തുടർന്ന്​ കഴിഞ്ഞ വർഷം ഒക്​ടോബർ മുതൽ അവർ തമിഴ്​ സിനിമയിൽ പാടുകയോ ഡബ്​ ചെയ്യുകയോ ചെയ്​തിട്ടില്ല. ഡബിങ് യൂണിയനെതിരെ അവർ കേസ്​ നൽകിയിരുന്നുവെങ്കിലും അത്​ കോടതി സ്​റ്റേ ചെയ്​തിരുന്നു.