Top
Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMusicchevron_rightയേശുദാസി​െൻറ...

യേശുദാസി​െൻറ ശബ്​ദത്തോടുള്ള സാമ്യം പ്രശ്​നമായില്ല; അഭിജിത്തിന്​ രാജ്യാന്തര പുരസ്​കാരം VIDEO

text_fields
bookmark_border
യേശുദാസി​െൻറ ശബ്​ദത്തോടുള്ള സാമ്യം പ്രശ്​നമായില്ല; അഭിജിത്തിന്​ രാജ്യാന്തര പുരസ്​കാരം VIDEO
cancel

യേശുദാസി​​െൻറ ശബ്​ദത്തോട്​ സാമ്യമുണ്ടെന്ന്​ കാട്ടി സംസ്ഥാന ചലച്ചിത്ര പുരസ്​കാരമടക്കം നിഷേധിക്കപ്പെട്ട യുവഗായകൻ അഭിജിത്തിന്​ രാജ്യാന്തര പുരസ്​കാരം. മികച്ച ഗായകനുള്ള ടൊറെ​േൻറാ അന്താരാഷ്​ട്ര ദക്ഷിണേഷ്യൻ ചലച്ചിത്ര പുരസ്​കാരമാണ്​ അഭിജിത്തിന്​ ലഭിച്ചത്​. 

‘ആകാശ മിഠായി’ എന്ന ജയറാം ചിത്രത്തിലെ ‘ആകാശപ്പാലക്കൊമ്പത്ത്’​ എന്ന ഗാനത്തിലൂടെ​ അഭിജിത്തിന്​ പുരസ്​കാരം ലഭിച്ച വാർത്ത നടൻ ജയറാം ഫേസ്​ബുക്കിലൂടെയാണ്​ പുറത്തുവിട്ടത്. ജയറാം തന്നെയായിരുന്നു അഭിജിത്തിനെ ചിത്രത്തിൽ പാടിക്കാം എന്ന അഭിപ്രായം മുന്നോട്ടുവച്ചത്​. ജനകീയ വോ​െട്ടടുപ്പിലൂടെയാണ്​ അവാർഡിന്​ തന്നെ തെരഞ്ഞെടുത്തത്​ എന്നറിയുന്നതിൽ അതീവ സന്തോഷമുണ്ടെന്ന്​ അഭിജിത്ത്​ വികാരനിർഭരനായി പറഞ്ഞു. 

ജയരാജ്​ സംവിധാനം ചെയ്​ത ‘ഭയാനകം’ എന്ന ചിത്രത്തിലെ അർജുനൻ മാസ്റ്ററുടെ സംഗീതത്തിൽ പിറന്ന ‘കുട്ടനാടൻ കാറ്റ്​ ചോദിക്കുന്നു’ എന്ന ഗാനത്തിലൂടെയായിരുന്നു അഭിജിത്ത്​​ സംസ്ഥാന പുരസ്​കാരത്തിൽ അവസാന റൗണ്ടിലെത്തിയത്​. തുടക്കത്തിൽ യേശുദാസാണ്​ ഗാനം ആലപിച്ചതെന്ന്​ കരുതിയ ജൂറിക്ക്​ അവസാനമാണത്രേ പാടിയത്​ അഭിജിത്താണെന്ന്​ മനസ്സിലായത്​.  അതോടെ പുരസ്​കാരം നിഷേധിച്ചെന്നാണ്​ ആരോപണം. 

ചിത്രത്തിലെ സംഗീതത്തിന്​ അർജുനൻ മാസ്റ്റർക്ക്​ സംസ്ഥാന പുരസ്​കാരം ലഭിക്കുകയും ചെയ്​തിരുന്നു.

Show Full Article
TAGS:yesudas abhijith vijayan music news malayalam news 
News Summary - abhijitha-vijayan-bags-toronto-film-award-music
Next Story