Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEntertainmentchevron_rightMusicchevron_rightMusic Featurechevron_rightആത്മഹത്യ...

ആത്മഹത്യ ചിന്തയിൽനിന്ന്​ എന്നെ രക്ഷിച്ചത്​ ഇസ്​ലാം -യുവാൻ ശങ്കർ രാജ

text_fields
bookmark_border
ആത്മഹത്യ ചിന്തയിൽനിന്ന്​ എന്നെ രക്ഷിച്ചത്​ ഇസ്​ലാം -യുവാൻ ശങ്കർ രാജ
cancel

ജീവിതത്തിൽ ഒരുപാട്​ തവണ ആത്​മഹത്യയെക്കുറിച്ച്​ ചിന്തിച്ചിരുന്നുവെന്നും ഇസ്​ലാമിലേക്ക്​ വന്നതോടെയാണ്​ ഇതിന്​ പരിഹാരമായതെന്നും തമിഴ്​ സംഗീത സംവിധായകൻ യുവാൻ ശങ്കർ രാജ. കഴിഞ്ഞദിവസം ഇൻസ്​റ്റാഗ്രാമിൽ ആരാധകരുടെ ചോദ്യങ്ങൾക്ക്​ മറുപടി പറയുകയായിരുന്നു യുവാൻ. ‘എന്തായിരുന്നു നിങ്ങളുടെ ഏറ്റവും വലിയ ഭയം, എങ്ങനെയാണ്​ അതിനെ മറികടന്നത്​’ എന്നതായിരുന്നു ആരാധക​​െൻറ ചോദ്യം. ‘ഇസ്​ലാമിലേക്ക്​ വരുന്നതിന്​ മുമ്പ്​ ഒരുപാട്​ തവണ ഞാൻ ആത്​മഹത്യയെക്കുറിച്ച്​ ചിന്തിച്ചിരുന്നു. ഇസ്​ലാം എന്നെ എല്ലാവിധ ഭയത്തിൽനിന്നും രക്ഷപ്പെടുത്തി’ -യുവാൻ വിഡിയോയിലൂടെ മറുപടി നൽകി. 

സംഗീത കുലപതി ഇളയരാജയുടെ മകനായ യുവാൻ 2014ലാണ്​ മതം മാറുന്നത്​. അബ്​ദുൽ ഖാലിക്​ എന്ന പേരാണ്​ അദ്ദേഹം സ്വീകരിച്ചത്​. അമ്മയുടെ നിര്യാണത്തെത്തുടർന്ന് ഇസ്‌ലാമിലേക്ക് നയിച്ച ആത്മീയ അനുഭവം യുവാൻ പങ്കുവെച്ചിരുന്നു. ‘മരിച്ചുപോയ ത​​െൻറ അമ്മയെക്കുറിച്ചുള്ള ചിന്തകളിലായിരുന്നു ഞാൻ. ആയിടക്കാണ്​ മക്കയിൽനിന്ന്​ വന്ന സുഹൃത്ത്​ നമസ്​കാര പായ സമ്മാനിച്ചത്​. എ​​െൻറ ബന്ധു വീട്ടിൽ വന്നപ്പോൾ അമ്മയെക്കുറിച്ച്​ സംസാരിച്ചു. അത്​ എന്നിൽ ഒരുപാട്​ സങ്കടമുളവാക്കി. ഞാൻ നമസ്​കാര പായയിലിരുന്നു കരഞ്ഞു. ആ സംഭവത്തിനുശേഷം ഖുർആൻ പഠിക്കാൻ തുടങ്ങി. നമസ്​കാരം എങ്ങനെ നിർവഹിക്കാമെന്ന്​ പഠിച്ചു’ -യുവാൻ പറയുന്നു.

ബോളിവുഡ്​ നടൻ സുഷാന്ത്​ സിങ്​ രാജ്​പുത്തി​​െൻറ മരണത്തെ തുടർന്ന്​ ഒരുപാട്​ താരങ്ങൾ വിഷാദത്തിൽനിന്നും ആത്​മഹത്യ ചിന്തയിൽനിന്നും തങ്ങൾ എ​ങ്ങനെയാണ്​ രക്ഷപ്പെട്ടതെന്ന്​ വിശദീകരിച്ചിരുന്നു.

Show Full Article
TAGS:Yuvan Shankar Raja movies 
Next Story