ഗായത്രിവീണ മീട്ടി വൈക്കം വിജയലക്ഷ്മി ലോക റെക്കോഡിന് 

കൊച്ചി: ഒറ്റക്കമ്പി സംഗീതോപകരണമായ ഗായത്രിവീണ മീട്ടി വൈക്കം വിജയലക്ഷ്മി ലോക റെക്കോഡ് സ്ഥാപിക്കാന്‍ ഒരുങ്ങുന്നു. മാര്‍ച്ച് അഞ്ചിന് ഏറ്റവും കുറഞ്ഞ സമയത്തില്‍ 51 ഗാനങ്ങള്‍ ഗായത്രിവീണയില്‍ വായിച്ചാണിത്. വൈറ്റില-കുണ്ടന്നൂര്‍ റോഡില്‍ ഹോട്ടല്‍ സരോവരത്തിലാണ് പരിപാടി. രാവിലെ 10മുതല്‍ ഉച്ചക്ക് ഒന്നുവരെ ശാസ്ത്രീയ സംഗീതമാണ് അവതരിപ്പിക്കുക. തുടര്‍ന്ന് മൂന്നുവരെ വിവിധ ഭാഷ ചലച്ചിത്രഗാനങ്ങളും അവതരിപ്പിക്കും. ഒരു ശ്രുതിയില്‍ ട്യൂണ്‍ ചെയ്തിരിക്കുന്ന ഗായത്രിവീണയില്‍ വ്യത്യസ്ത ശ്രുതിയിലുള്ള ഗാനങ്ങള്‍ വായിക്കുന്ന ഏക കലാകാരിയാണ് വിജയലക്ഷ്മി.