ചാരുത ചേർന്ന പാട്ടുകൾ

അതിരെഴാ മുകിലേ
നിന്‍ സജലമാം മറുകരയില്‍
അടരുവാന്‍ വിതുമ്പി നിന്നോ
പരിചിതമൊരു മൗനം
ചാരു ലത

ഹൃദയം തുളക്കുന്ന വരികളും ഉന്മാദത്തോളമെത്തിക്കുന്ന സംഗീതവും രാഷ്​ട്രീയം പുരട്ടിയ ദൃശ്യങ്ങളും കൂടിക്കലരുന്ന സ്വതന്ത്ര സംഗീത വിഡിയോകളിലൂടെ പുതിയ ഇടം കണ്ടെത്തുകയാണ്​ ശ്രുതി നമ്പൂതിരി. വരികളിലും ചിത്രീകരണത്തിലുമെല്ലാം നടപ്പുരീതികളിൽനിന്നുള്ള മാറിനടപ്പും മാന്ത്രികതയുടെ ​ൈകയൊപ്പുമുണ്ട്.
സംഗീതജ്ഞനും ഗായകനുമായ സുദീപ്​ പാലനാടിനൊപ്പം ചെയ്​ത സംഗീത ഫീച്ചറുകളെല്ലാം ഏറെ ശ്രദ്ധിക്കപ്പെട്ടിരുന്നു. 'ചാരുലത' യൂടൂബിൽ 26 ലക്ഷത്തിലധികം പേരും വൈവിധ്യമായ നൃത്തങ്ങൾ ചേർത്തൊരുക്കിയ 'ബാലെ' 18 ലക്ഷത്തിലേറെപ്പേരും ഇതിനകം കണ്ടുകഴിഞ്ഞു. അഞ്​ജലി മേനോ​​​​െൻറ 'കൂടെ'യിൽ ഒരു ഗാനമെഴുതി. ''പാട്ടിനും രാഷ്​ട്രീയമുണ്ട്​. വർത്തമാനകാലത്ത്​ പ്രത്യേകിച്ചും'' എന്നാണ്​ ശ്രുതിയുടെ ഭാഷ്യം. ത​​​​െൻറ സംഗീതവഴികളും നിലപാടുകളും പങ്കുവെക്കുകയാണ്​ അവർ.

തെഹ്​ഖീഖിൽ ആൻ ശീതൾ

അപരവത്​കരണ കാലത്തെ 'തെഹ്​കീഖ്​'

ആകാശത്തേക്ക്​ മിനാരങ്ങളുയർത്തിനിൽക്കുന്ന പള്ളികളും സൂഫി ഗന്ധവുമുള്ള പൊന്നാനിയുടെ പൗരാണിക തെരുവുകൾ ഏറെ പ്രിയപ്പെട്ടതാണ്​​. ഹിന്ദു-മുസ്​ലിം സങ്കലനത്തി​​​​െൻറയും കൂട്ടായ്​മയുടേയും പ്രതീകങ്ങൾ ഇപ്പോഴും അവിടത്തെ തെരുവുകളിലുണ്ട്​.
മുസ്​ലിം അപരവത്​കരണത്തി​​​​െൻറ പുതിയ കാലത്ത്​ പുറത്തിറങ്ങുന്ന തെഹ്​കീഖ്​ പകർത്താൻ പൊന്നാനിയേക്കാൾ മികച്ച ഇടമില്ല എന്ന ബോധ്യമുണ്ടായിരുന്നു​. '96' ഫെയിം ഗോവിന്ദ്​ വസന്ത സംഗീതം നിർവഹിച്ച തെഹ്​കീഖി​​​​െൻറ രചന ധന്യ സുരേഷാണ്​. ശ്രീരജ്ഞിനി കോടമ്പള്ളിയാണ്​ ഇതിൽ പാടി അഭിനയിച്ചിരിക്കുന്നത്​. താനുമായി ബന്ധമു​​െണ്ടന്ന ഒരൊറ്റ കാരണത്താൽ തീവ്രവാദിയാക്കപ്പെടുന്ന ഭർത്താവിനെ തേടിയിറങ്ങുന്ന മുസ്​ലിം പെൺകുട്ടിയുടെ അന്വേഷണമാണ്​ ഇതിൽ പകർത്തിയിരിക്കുന്നത്. കർണാടിക്​ സംഗീതവും സൂഫി സംഗീതവും ഇഴചേർത്തിണക്കി സംഗീതം ഒരുക്കിയതിലും ഞങ്ങൾ കൂടിച്ചേരലി​​​​െൻറയും ബഹുസ്വരതയുടെയും അർഥം പറഞ്ഞുവെക്കുന്നുണ്ട്​. നീരജ്​ മാധവും ആൻ ശീതളുമാണ്​ വിഡിയോയിൽ മുഖ്യ വേഷത്തിലെത്തിയിരിക്കുന്നത്​.

ചാരുലതയുടെ പിറവി

യൂടൂബിലും ഫേ​സ്​ബുക്കിലും വാട്​സ്​ആപ്​​ സ്​റ്റാസുകളിലുമെല്ലാമായി ചാരുലത ഇപ്പോഴും ആഘോഷിക്കപ്പെടുന്നു എന്നതിൽ സന്തോഷമുണ്ട്​. ചാരുലത പിറവിയെടുക്കുന്നത്​ തികച്ചും ആകസ്​മികമായാണ്​. സത്യത്തിൽ ഒരു സിനിമക്കു​േവണ്ടി ഞാനും സുദീപും കൂടി ചെയ്​ത ഗാനമാണ്​ ഇന്നത്തെ ചാരുലതയിലേക്ക്​ വഴിമാറിയത്​. മ്യൂസിക്കലി ട്രീറ്റ്​ ചെയ്​ത ഒരു കവിതവേണം എന്ന സിനിമക്കാരുടെ ആവശ്യാർഥം ഞാൻ വരികളെഴുതുകയും സുദീപ്​ സംഗീതം ചെയ്യുകയുമായിരുന്നു. പക്ഷേ, എല്ലാം കഴിഞ്ഞപ്പോൾ സിനിമക്കാർ ഞങ്ങളെ നൈസായിട്ടങ്ങ്​ പറ്റിച്ചു. ഇൗ ഗാനം സിനിമാക്കാർക്ക്​ വീണ്ടും കൊടുക്കാൻ ഒട്ടും താൽപര്യമില്ലായിരുന്നു. ചാരുലതയുടെ ചിത്രീകരണം ഒരുക്കാൻ ഞങ്ങൾ തന്നെ തീരുമാനിക്കുന്നത്​ അങ്ങനെയാണ്​.
സത്യജിത്​ റായുടെ 25ാം ചരമവാർഷികം 2017ൽ ആചരിക്കുന്ന വാർത്ത ശ്രദ്ധിച്ചപ്പോഴാണ്​ റായുടെ ചാരുലതയെന്ന ആശയം മനസ്സിലേക്കെത്തിയത്​. ഇരുപതാം നൂറ്റാണ്ടി​​​​െൻറ തുടക്കത്തിലുള്ള ചാരുലത​യെ ഒരു മ്യൂസിക്​ വിഡിയോക്കകത്ത്​ പുനഃസൃഷ്​ടിക്കുക എന്നത്​ ഭാരിച്ചതും ചെലവേറിയതുമായ ഉത്തരവാദിത്തമാണ്​​. 'റ'യെപ്പോലൊരു വിഖ്യാത സംവിധായക​​​​െൻറ കഥാപാത്രത്തിൽ തൊടുന്നതി​​​​െൻറ ആശങ്ക വേറെയും. അതുകൊണ്ടുതന്നെ, അനായാസ ചിത്രീകരണത്തിനായി ​ആ കഥയെ വ്യത്യസ്​തങ്ങളായ കാലങ്ങളിലേക്ക്​ പറിച്ചുനടുകയായിരുന്നു. ചിത്രീകരിക്കുന്നത്​ 'ചാരുലത'യാണെന്നറിഞ്ഞതോടെ പിന്നണിയിലേക്ക്​ ലോകപ്രശസ്​ത സംഗീതജ്ഞരെത്തന്നെ സുദീപ്​ എത്തിച്ചു. പ്രാഷേക് ബോര്‍ക്കാര്‍ സരോദുമായും മാനസ് കുമാര്‍ വയലിനുമായും എത്തി, സിതാര്‍ ചെയ്​തത്​ പോള്‍സണും സാരംഗി ചെയ്​തത്​ ഷാരൂഖ്​ ഖാനുമായിരുന്നു.

ശ്രുതി നമ്പൂതിരി ചാരുലത ചിത്രീകരണത്തിനിടെ പാർവതി മേനോനോടൊപ്പം

കഥാപാത്രങ്ങളായി ആരൊക്കെ വേഷമിടുമെന്നായിരുന്നു അടുത്ത പ്രതിസന്ധി. ഏറെ കൂടിയാലോചനകൾക്കുശേഷം ചാരുലതയായി നർത്തകി പാർവതി മേനോനും അമലായി ഗാനരചയിതാവ്​ ബി.കെ. ഹരിനാരായണനും ഭൂപതിയായി സംഗീത സംവിധായകൻ ബിജിപാലും എത്തി. സുദീപി​​​​െൻറ സംഗീതത്തിനൊപ്പം അഭിനേതാക്കളുടെ സമർപ്പണവും സഹകരണവും കൂടിച്ചേർന്നപ്പോൾ ചാരുലത അനുഭവമായി മാറി. വെറും അഞ്ചുപേർ മാത്രമുണ്ടായിരുന്ന കൊൽക്കത്തയിലെ ഷൂട്ട്​ ശരിക്കും വെല്ലുവിളിയായിരുന്നു. പരിമിതികൾക്കുള്ളിലും കൊൽക്കത്തയിലെ കാഴ്​ചകൾ പകർത്താൻ കഴിഞ്ഞതിൽ ഏറെ സന്തോഷമുണ്ട്​. കേരളത്തിലെ ഒരു റിസോർട്ട്​ കൊൽക്കത്തയിലെ വീടാക്കി മാറ്റിയാണ്​ ഷൂട്ടിങ്​​ പ്രതിസന്ധി മറികടന്നത്​. മാജിക്കൽ റിയലിസം പോലെ ചിത്രീകരിച്ചതിനാൽ പലർക്കും ചാരുലതയെക്കുറിച്ചുള്ള​ സംശയങ്ങൾ ഇനിയും മാറിയിട്ടില്ല. 2018ലെ ചാരുലത സ്വപ്​നം കാണുന്ന സ്വീകൻസായിട്ടാണ്​ 1975 ലെ ചാരുലത വരുന്നത്​. അടിയന്തരാവസ്​ഥയും അഭിപ്രായ സ്വാതന്ത്ര്യവുമെല്ലാം ഇതിനിടയിൽ മിന്നിമായുന്നുണ്ട്​.

ബാലെ; സ്​ത്രൈണതയുടെ ആഘോഷം

രാഷ്​ട്രീയം പറയാനായി സംഗീതമൊരുക്കുന്നു എന്നതിനേക്കാൾ സംഗീതവിഡിയോകളിൽ കാലികമായ രാഷ്​ട്രീയം കൂടി ഉൾപ്പെടുത്താൻ ശ്രമിക്കുന്നു എന്നതാകും ശരി. ഒരു സ്പാനിഷ് ഗിറ്റാറി​​​​െൻറ താളത്തിന്​​ സംഗീത സംവിധായകൻ സുദീപി​​​​െൻറ ഈണം ചേർന്നപ്പോൾ നളിനകാന്തി രാഗത്തിലേക്ക്​ ആ ഇൗണം ചുവട്​ മാറി. ഇതിനായി​ വരികളെഴുതു​േമ്പാൾ​ വിശാല കാൻവാസിലുള്ള ചിത്രീകരണമായിരുന്നു മനസ്സിലുണ്ടായിരുന്നത്​. ആദ്യത്തെ സ്വതന്ത്ര സംഗീത സംരംഭമായ ബാലെ പിറവിയെടുക്കുന്നത്​ അങ്ങനെയാണ്​. ഒഡീസിയും കൂടിയാട്ടവും കഥകളിയും മോഹിനിയാട്ടവുമെല്ലാം ചേർന്നുള്ള പെണ്മയുടെ ആ​ഘോഷമായി ബാലെ ഒരുക്കി. മീനാക്ഷി ശ്രീനിവാസൻ, നന്ദിത പ്രഭു, കപിലവേണു, ആരുഷി മുദ്​ഗൽ, റിമ കല്ലിങ്കൽ, ഹരിപ്രിയ നമ്പൂതിരി അടക്കമുള്ള വൈവിധ്യ നൃത്തരൂപങ്ങളിൽനിന്നുള്ള ഇന്ത്യയിലെ പ്രശസ്​ത നർത്തകിമാരാണ്​ ബാലെയിൽ പകർന്നാടിയിരിക്കുന്നത്​. സ്വത്വംകൊണ്ട്​ പലകുറി തിരസ്​കരിക്കപ്പെട്ട ഭരതനാട്യ നർത്തകൻ അബ്​ദുൽ മനാഫിനെവെച്ച്​ മനു മലയാളം, കുട്ടികളെ അണിനിരത്തി മകൾ എന്നീ സംഗീത വിഡിയോകളും ഒരുക്കിയിട്ടുണ്ട്​.

സിനിമ ഉപേക്ഷിച്ചിട്ടില്ല

എഴുതിപ്പൂർത്തീകരിച്ച സിനിമയുടെ തിരക്കഥ​ ബാഗിൽ കൊണ്ടുനടക്കുന്നയാളാണ്​ ഞാൻ. സ്വപ്​നം പോലെ ഒരു സിനിമ മനസ്സിൽ ഏറെകാലമായുണ്ട്​​. കലയും ഫാൻറസിയുമെല്ലാം ഇടകലരുന്ന ഒരു സിനിമയായിരിക്കും അത്​​​. ഷെയ്​ൻ നിഗമിനെ നായകനാക്കി ജോബി ജോർജ്ജ്​ നിർമാതാവായുള്ള സിനിമയുടെ പ്രാരംഭനടപടികൾ പുരോഗമിക്കവെയാണ്​ അവർ തമ്മിലുള്ള പ്രശ്​നങ്ങളുടെ പേരിൽ സിനിമ പ്രതിസന്ധിയിലായത്​. അറിയാതെയാണെങ്കിലും ആ പ്രശ്​നത്തിലേക്ക്​ ഞാനും വലിച്ചിഴക്കപ്പെട്ടു. ഏതായാലും സിനിമ മോഹത്തെ വഴിയിലുപേക്ഷിക്കാൻ ഞാൻ തയാറല്ല. സിനിമ തുടരാനുള്ള കഠിന പരിശ്രമത്തിലാണ്​. അത്​ സാക്ഷാത്​കരിക്കുകതന്നെ ചെയ്യും.

വേൾഡ്​ മ്യൂസിക്​ ​ഫെസ്​റ്റിവൽ ഫൗണ്ടേഷൻ

സംഗീതവുമായി ബന്ധപ്പെട്ട സന്നദ്ധസംഘടന എന്ന ചിന്തയിൽനിന്നാണ്​ വേൾഡ്​ മ്യൂസിക്​ ​ഫെസ്​റ്റിവൽ ഫൗണ്ടേഷൻ പിറവിയെടുക്കുന്നത്​. സുദീപ്​ പാലനാട്​, കർണാടക സംഗീതജ്ഞൻ വിഷ്​ണുദേവ്​ നമ്പൂതിരി, ​േപ്രംജിയുടെ പൗത്രൻ കൂടിയായ നവീൻ മുല്ലമംഗലം എന്നിവർ കൂടിച്ചേർന്നാണ്​ ഇതു​ രൂപവത്​കരിച്ചത്​. മ്യൂസിക്​ പ്രൊഡക്​ഷനുകൾ തന്നെയാണ്​ പ്രധാനലക്ഷ്യം. ഇപ്പോൾ​ കേരളത്തിനകത്തും പുറത്തുമുള്ള നിരവധി സംഘടനകൾ ഇതുമായി സഹകരിക്കുന്നുണ്ട്​. സി.എ.എ, എൻ.ആർ.സി എന്നിവക്കെതിരെ തൃശൂരിൽ ഗായകരെയും സംഗീതജ്ഞരെയും അണിനിരത്തിയ 'പാട്ടും സമരവും' ഒരുക്കിയത്​ ഇൗ സംഘടനയുടെ ബാനറിലായിരുന്നു.

ശ്രുതി നമ്പൂതിരി നീരജ്​ മാധവ്​ ആൻ ശീതൾ എന്നി​വരോടൊപ്പം

ന്യൂസല്ല, വ്യൂസാണ്​ പ്രധാനം

മാസ് ​കമ്യൂണിക്കേഷനിൽ ബിരുദാനന്തര ബിരുദത്തിനുശേഷം ഡൽഹിയിലേക്ക്​ പറന്നത്​ ടെലിവിഷൻ ജേണലിസത്തിൽ ഒന്നു പയറ്റിനോക്കാനായിരുന്നു. ഇ.എസ്​.പി.എൻ, ഹെഡ്​ലൈൻസ്​ ടുഡേ എന്നിവയിൽ കുറച്ചുകാലം ജോലിനോക്കി. പിന്നീട്​ വഴി ഇതല്ലെന്നറിഞ്ഞപ്പോൾ ഉപേക്ഷിക്കുകയായിരുന്നു. പിന്നീട്​ കുറെക്കാലം സിനിമയിൽ വഴിനോക്കി. സിനിമയിൽ നിലനിൽക്കണമെങ്കിൽ അത്യാവശ്യം ഡി​േപ്ലാമസി അറിയണം. ഗോഡ്​ഫാദർമാരില്ലാതെ വരുന്നവർക്ക്​ സിനിമ കൈയെത്തിപ്പിടിക്കുന്നത്​ ശ്രമകരമായ കാര്യമാണ്​. ആത്മസമർപ്പണത്തോടെ ചെയ്യുന്ന വർക്കുകൾക്ക്​ ഫലം ലഭിക്കുന്നതി​​​​െൻറ സന്തോഷമുണ്ടിപ്പോൾ.
തൃശൂർ ജില്ലയിലെ ആറ്റൂർ ആണ്​ സ്വദേശം. ഭർത്താവ്​ സുഭാഷ് ബ്രിട്ടനിലാണ്​.