‘അലിയാരുടെ ഓമനബീവി...’ ഹിറ്റിലേക്ക്​ ‘വാങ്കി’ലെ പാട്ട്​ -Video

കൊച്ചി: ഉണ്ണി ആറിൻെറ കഥയെ ആസ്പദമാക്കി വി.കെ. പ്രകാശിൻെറ മകള്‍ കാവ്യാ പ്രകാശ് സംവിധാനം ചെയ്യുന്ന ‘വാങ്ക്’ എന് ന സിനിമയിലെ ‘അലിയാരുടെ ഓമനബീവി...’ എന്ന്​ തുടങ്ങുന്ന ഗാനം ആസ്വാദകമനം കവരുന്നു.

പി.എസ്​. റഫീഖ്​ രചിച്ച്​ ഒൗസേ പ്പച്ചൻ സംഗീതം നൽകിയ ഗാനം ആലപിച്ചിരിക്കുന്നത്​ അമൽ ആൻറണിയാണ്​. ഹൃദ്യമായ ഈണവും മുസ്​ലിം ജീവിതത്തിൻെറ തനത്​ ആവിഷ്​കാരവുമായി ഇതോടകം ഗാനം ശ്രദ്ധ നേടിയിട്ടുണ്ട്​്.

അനശ്വര രാജനാണ് ‘വാങ്കി’ലെ പ്രധാന കഥാപാത്രത്തെ അവതരിപ്പിക്കുന്നത്. വിനീത്​ മറ്റൊരു പ്രധാന വേഷം കൈകാര്യം ചെയ്യുന്നു.
ഷബ്‌ന മുഹമ്മദാണ് തിരക്കഥയും സംഭാഷണവും ഒരുക്കിയത്. സംവിധായകൻ മേജർ രവിയുടെ മകൻ അര്‍ജുന്‍ രവിയാണ് ഛായാഗ്രഹണം. 7ജെ ഫിലിംസിൻെറയും ഷിമോഗ ക്രിയേഷൻസിൻെറയും ബാനറിൽ സിറാജുദീനും ഷബീർ പഠാനും ചേർന്നാണ് ചിത്രം നിർമിക്കുന്നത്.