ബോളിവുഡ്​ ഗായകൻ അങ്കിത്​ തിവാരി വിവാഹിതനാകുന്നു

ന്യൂഡൽഹി: പ്രശസ്​ത ഗായകനും സംഗീത സംവിധായകനുമായ അങ്കിത്​ തിവാരിയുടെ വിവാഹം നിശ്​ചയിച്ചു. ഉത്തർ പ്രദേശിലെ കാൺപൂരിൽ ചൊവ്വാഴ്​ച നടന്ന ചടങ്ങിലാണ്​ പല്ലവി ശുക്ലയുമായുള്ള വിവാഹ നിശ്​ചയം നടന്നത്​. ഇരുവരുമൊന്നിച്ചുള്ള ഫോ​േട്ടാ അങ്കിത്​ ഇൻസ്​റ്റഗ്രാമിൽ പോസ്​റ്റ്​ ചെയ്​തു. 

ജീവിതകാലം മുഴുവൻ ഞാൻ നിന്നെ പ്രണയിക്കും, സംരക്ഷിക്കും, ബഹുമാനിക്കും. നക്ഷത്രങ്ങളോളം ഉയരത്തിൽ നിന്നെ പ്രതിഷ്​ഠിക്കും- അങ്കിത്​ ഇൻസ്​റ്റഗ്രാമിൽ കുറിച്ചു. 
​
െഫബ്രുവരി 23നാണ്​ അങ്കിതി​​െൻറയും പല്ലവിയുടെയും വിവാഹം. 26ന്​ വിവാഹ സൽക്കാരം നടക്കും. മുത്തശ്ശിയാണ്​ അങ്കിതിനായി പല്ലവിയെ കണ്ടെത്തിയത്​. ബംഗളൂരുവിൽ മെക്കാനിക്കൽ എഞ്ചിനീയറാണ്​ പല്ലവി.