Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMusicchevron_rightപ്രണയ ഭാവന, മെലഡിയുടെ...

പ്രണയ ഭാവന, മെലഡിയുടെ ഇ​ന്ദ്രജാലം... എന്നിട്ടുമെന്തേ മറന്നൂ, ഈ ഗാനം -Video

text_fields
bookmark_border
പ്രണയ ഭാവന, മെലഡിയുടെ ഇ​ന്ദ്രജാലം... എന്നിട്ടുമെന്തേ മറന്നൂ, ഈ ഗാനം -Video
cancel

അറുപതുകളിൽ മലയാള സിനിമകൾ അധികവും അറിയപ്പെട്ടത്​ അതിലെ ഗാനങ്ങളിലൂടെയായിരുന്നു. ആ ചലച്ചിത്രങ്ങൾ ഇന്നും ഒാർമി ക്കപ്പെടുന്നതാക​െട്ട അതിലെ ശ്രുതിമധുരവും അർഥസമ്പുഷ്​ടവുമായ ഗാനങ്ങളിലൂടെതന്നെ.

ഒരു സിനിമയിൽ ആറും ഏഴും പാ ട്ടുകൾ അക്കാലത്ത്​ സാധാരണമായിരുന്നു. കുഞ്ചാക്കോ നിർമിച്ച്​ സംവിധാനം ചെയ്​ത ‘കണ്ണപ്പനുണ്ണി’ എന്ന ചിത്രം 13 ഗാ നങ്ങ​േളാടെയാണ്​ തിരശ്ശീലയിലെത്തിയത്​. 1977ൽ പുറത്തിറങ്ങിയ ഇൗ വടക്കൻപാട്ട്​ സിനിമയിൽ രാഘവൻ മാസ്​റ്ററും പി. ഭാസ് ​കരനും ചേർന്നൊരുക്കിയ മുഴുവൻ ഗാനങ്ങളും ഹിറ്റാവുകയും ചെയ്​തു.

ഒരു സിനിമയിലെ ഗാനങ്ങളെല്ലാം ഹിറ്റാവുന്നത് ​ ഒരു പുതുമയല്ലാത്ത കാലമായിരുന്നു അത്​. ഗാനസമൃദ്ധികൊണ്ട്​ പേരുകേട്ട ഇത്തരം ചിത്രങ്ങളിൽ എം.എസ്​. ബാബുരാജ്​ എന ്ന ബാബുക്കയും പി. ഭാസ്​കരനും ചേർന്ന്​ ഒരുക്കിയ മിക്ക ഗാനങ്ങളും ‘സൂപ്പർ ഹിറ്റ്​’ ഗണത്തിൽപ്പെടുത്താവുന്നവയായി രുന്നു. ബഷീറി​​െൻറ ‘ഭാർഗവീനിലയ’ത്തിനു​വേണ്ടി ഇരുവരും ചേർന്ന്​ സൃഷ്​ടിച്ച എല്ലാ ഗാനങ്ങളും ഇന്നും വേദികളിലും ചാനലുകളിലും പതിവായി കേൾക്കുന്നവയാണ്​.

കാലത്തെ അതിജീവിച്ച ‘താമസമെന്തേ വരുവാൻ’, ‘ഏകാന്തതയുടെ അപാര തീരം’, ‘വാസന്തപഞ്ചമി നാളിൽ’, ‘അറബിക്കടലൊരു മണവാളൻ’, ‘പൊട്ടാത്ത പൊന്നിൻ കിനാവുകൊണ്ടൊരു’, ‘പൊട്ടിത്തകർന്ന കിനാവ്’ എന്നീ പാട്ടുക​ളെല്ലാം ഒന്നി​െനാന്ന്​ മികച്ചവയാണ്​. വെള്ളിത്തിരയിൽ കറുപ്പിലും വെളുപ്പിലും ജീവിതങ്ങൾ കരഞ്ഞും കരയിപ്പിച്ചും ചിരിച്ചും ചിരിപ്പിച്ചും ചിന്തിപ്പിച്ചും ഒാടിമറഞ്ഞപ്പോൾ അതി​നൊപ്പമെല്ലാം മികച്ച ഗാനങ്ങ​ളുമുണ്ടായിരുന്നു.

ഇക്കൂട്ടത്തിൽപ്പെടുത്താവുന്ന മറ്റൊരു സിനിമയാണ്​ 1967ൽ ഇറങ്ങിയ ‘പരീക്ഷ’. ടി.എൻ. ഗോപിനാഥൻ നായർ എഴുതി പി. ഭാസ്​കരൻ സംവിധാനംചെയ്​ത സിനിമയിൽ അഞ്ച്​​ ഗാനങ്ങളാണുള്ളത്​. ബാബുക്ക-പി. ഭാസ്​കരൻ കൂട്ടുകെട്ടിൽത്തന്നെയാണ്​ ഇൗ ഗാനങ്ങളും പിറവിയെടുത്തത്​. എന്നാൽ, ആരും പെ​െട്ടന്ന്​ ശ്രദ്ധിക്കാത്ത ചില പ്രത്യേകതകൾ ഇൗ സിനിമക്കും അതിലെ ഗാനങ്ങൾക്കുമുണ്ട്​.

അഞ്ച​​ു ഗാനങ്ങളിൽ നാലെണ്ണമാണ്​ ‘സൂപ്പർ ഹിറ്റു’കളായതെങ്കിൽ അഞ്ചാമത്തെ ഗാനം ഇന്നും സംഗീതത്തെക്കുറിച്ച്​ അറിവുള്ളവരുടെ ഇടയിൽ മറ്റ്​ നാലുഗാനങ്ങളെക്കാളും മികച്ചതാണ്​. ഒരുപ​േക്ഷ, മലയാള സിനിമ ചരിത്രത്തിലെ ഏറ്റവും മികച്ച പ്രണയഗാനങ്ങളുടെ പട്ടികയിൽ മുൻനിരയിൽത്തന്നെ സ്​ഥാനമുള്ള ഒന്ന്​.

സിനിമയിലെ നായിക ശാരദ ലജ്ജാവിവശയായി പാടിയഭിനയിച്ച
‘അവിടുന്നെന്‍ ഗാനം കേള്‍ക്കാന്‍
ചെവിയോര്‍ത്തിട്ടരികിലിരിക്കേ
സ്വരരാഗ സുന്ദരിമാര്‍ക്കോ
വെളിയില്‍ വരാനെന്തൊരു നാണം...’ എന്ന ഗാനമാണത്​. എസ്​. ജാനകിയുടെ ശബ്​ദമാണ്​ ഇൗ ഗാനത്തെ മികച്ചതാക്കിയതിലെ ഒരു ഘടകം.

പി. ഭാസ്​കര​​െൻറ പ്രണയം തുളുമ്പുന്ന ഭാവനക്ക്​ ബാബുക്ക ത​​െൻറ മെലഡികൊണ്ട്​ ഇന്ദ്രജാലം സൃഷ്​ടിക്കുകയായിരുന്നു ഇൗ ഗാനത്തിലൂടെ. പഹാഡി രാഗത്തിൽ ഒരു ഗസലി​​െൻറ സൗകുമാര്യത്തോടെയാണ്​ ഇൗ ഗാനം ചിട്ടപ്പെടുത്തിയിരിക്കുന്നത്​.

നായികയായ ശാരദ നായകൻ പ്രേംനസീറിന്​ കേൾക്കാൻ വേണ്ടി പാടുന്ന ഗാനത്തിൽ ഭാസ്​കരൻ മാഷുടെ കാവ്യസങ്കൽപങ്ങൾ ശ്രോതാക്കളുടെ ഹൃദയങ്ങളെ സ്​പർശിച്ചുകൊണ്ട്​​ ഒഴുകിയെത്തുന്നുണ്ട്​.
‘ഏതു കവിത പാടണം നിന്‍
ചേതനയില്‍ മധുരം പകരാന്‍
എങ്ങിനെ ഞാന്‍ തുടങ്ങണം നിന്‍
സങ്കല്‍പം പീലി വിടര്‍ത്താന്‍....’ തുടങ്ങിയ വരികളിൽ പ്രണയത്തിന്​ സ്വയം സമർപ്പിച്ച ഒരു പെൺമനസ്സി​​െൻറ ആശങ്കകൾ അലിഞ്ഞുചേർന്നിട്ടുണ്ട്​​.

‘പരീക്ഷ’യിലെ മറ്റ്​ അഞ്ച്​ ഗാനങ്ങളും ഒന്നിനൊന്ന്​ മികച്ചതാണ്​. യേശുദാസ്​ ആലപിച്ച ‘അന്നുനി​​െൻറ നുണക്കുഴി തെളിഞ്ഞിട്ടില്ല’ എന്ന ഗാനം കാലഘട്ടത്തിലെ ജനകീയ ഗാനങ്ങളിലൊന്നായിരുന്നു. കല്യാണവീടുകളിലും സിനിമശാലകളിലും ഗാനമേള വേദികളിലും ഇൗ ഗാനം നിറഞ്ഞാടി. ഇതേ സിനിമയിലെ മറ്റൊരു പ്രശസ്​ത ഗാനമാണ്​ ‘ഒരു പുഷ്​പം മാത്രമെൻ പൂങ്കുലയിൽ നിർത്താം ഞാൻ’​.

ഇതും മലയാളികൾ നെഞ്ചേറ്റിനടന്നു​. ബാബുക്ക ദേശ്​ രാഗത്തിൽ ഇൗണമിട്ട ഇൗ ഗാനം ഒരുകാലത്തെ യുവ തലമുറയുടെ പ്രണയ ജീവിതങ്ങളോട്​ ചേർന്നൊഴുകിയ സൃഷ്​ടിയാണ്​. ജാനകിയമ്മ പാടിയ മറ്റൊരു ഗാനമായ ‘എൻ പ്രാണ നായകനെ എന്തുവിളിക്കും... എങ്ങിനെ ഞാൻ നാവെടുത്ത്​ പേരുവിളിക്കും.’ എന്ന ഗാനവും മലയാളക്കര മുഴുവൻ മുഴങ്ങി​.

യമുന കല്യാണിയിലാണ്​ ഇൗ ഗാനം ഇൗണമിട്ടിരിക്കുന്നത്​. ഇതേ സിനിമയിലെ മറ്റൊരു പ്രശസ്​ത ഗാനമാണ്​ യേശുദാസി​​െൻറ ശബ്​ദത്തിൽ ഒഴുകിയെത്തിയ ‘പ്രാണസഖി ഞാൻ വെറുമൊരു പാമരനാം പാട്ടുകാരൻ’. സിന്ധുഭൈരവി രാഗത്തിലാണ്​ ഇൗ ഗാനത്തി​​െൻറ പിറവി.

സാ​േങ്കതികമായിപ്പറഞ്ഞാൽ സിനിമയിൽ ആറ്​ ഗാനങ്ങളുണ്ട്​. ജനകിയമ്മ പാടിയ
‘ചേലിൽ താമര പൂത്തുപരന്നൊരു
നീലജലാശയ നികടത്തിൽ
കൽപടവിങ്കലിരുന്നു കാമിനി
സ്വപ്​നവിഹാര വിലാസിനിയായ്​....’ എന്ന ഗാനം നാലുവരികളുള്ള ഒരു ബിറ്റ്​ ആയതിനാൽ ആകാശവാണിയിലൂടെയോ ചാനലുകളിലൂടെയോ ആരും കേൾക്കാറില്ലെന്നു മാത്രം.

‘പരീക്ഷ’യിലെ പാട്ടുകൾക്ക്​ ഇനിയുമുണ്ട്​ പ്രത്യേകതകൾ. പാട്ടുകൾ ചിട്ടപ്പെടുത്താൻ ബാബുക്കയുടെ കൂടെ നിന്നത്​ പിൽക്കാലത്ത്​ പ്രശസ്​തനായ ആർ.കെ. ശേഖർ എന്ന സംഗീതജ്​ഞനാണ്; എ.ആർ. റ​ഹ്​മാ​​െൻറ പിതാവ്​. സിനിമയിൽ പശ്ചാത്തല സംഗീതമൊരുക്കിയതാക​െട്ട അറിയപ്പെടുന്ന സംഗീത സംവിധായകനായ എം.ബി. ശ്രീനിവാസനാണ്​.

മികച്ച ഗാനമായിട്ടും ‘അവിടുന്നെന്‍ ഗാനം കേള്‍ക്കാന്‍...’ എന്ന ഗാനം മറ്റു​ ഗാനങ്ങളെ അപേക്ഷിച്ച്​ ജനകീയമായില്ല എന്നറിയാൻ യുട്യൂബിലെ സന്ദർശകരുടെ എണ്ണമെടുത്താൽ മാത്രം മതി. 2009ൽ അപ്​ലോഡ്​ ചെയ്​ത ‘ഒരു പുഷ്​പം മാത്രമെൻ പൂങ്കുലയിൽ നിർത്താം ഞാൻ..’ എന്ന ഗാനത്തിന്​ ഇതുവരെ 14 ലക്ഷത്തോളം കേൾവിക്കാരുണ്ടായപ്പോൾ ‘അവിടുന്നെന്‍ ഗാനം കേള്‍ക്കാന്‍...’ എന്ന ഗാനത്തിന്​ കേവലം ഒര​ുലക്ഷത്തിൽ താഴെ ശ്രോതാക്കളെ മാത്രമാണ്​ ലഭിച്ചത്. ഒരു ലക്ഷണമൊത്ത സൃഷ്​ടി ജനങ്ങൾ ഏറ്റെടുക്കാതെപോയതി​​െൻറ ഉത്തമ ഉദാഹരണമാണ്​ ഇൗ ഗാനം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:M.S. Baburajmalayalam newsmalayalam movie songsP. Bhaskaranmalayalam movie pareeksha
News Summary - Remembering romantic melody song of yester year -Music news
Next Story