യാനി സൗദിയിൽ; ‘ചരിത്ര’മെന്ന് ആദ്യപ്രതികരണം
text_fieldsറിയാദ്: അതുല്യ സംഗീത പ്രതിഭയും ഗ്രീക്ക് കേമ്പാസറുമായ യാനി സൗദിയിലെത്തി. വരുംദിവസങ്ങളിൽ ജിദ്ദയിലും റിയാദിലും ദമ്മാമിലും നടക്കാനിരിക്കുന്ന സംഗീത കച്ചേരികളിൽ പെങ്കടുക്കാനാണ് മകൾ ക്രിസ്റ്റൽ ആനിനൊപ്പം യാനി എത്തിയത്. ചരിത്രമാണിതെന്നും നാം അതിന് സാക്ഷികളാകുകയാണെന്നും ചൊവ്വ പുലർച്ചെ ഒരുമണിക്ക് ജിദ്ദ വിമാനത്താവളത്തിൽ വന്നിറങ്ങിയ യാനി ട്വീറ്റ് ചെയ്തു. വിമാനത്താവളത്തിൽ വെച്ച് സൗദി അറേബ്യയുടെ ഒൗദ്യോഗിക അറബി നാമം പറഞ്ഞ് പഠിക്കുന്ന വീഡിയോ പോസ്റ്റ് ചെയ്യുകയും ചെയ്തു. യാനിയുടെ വരവ് ചിത്രീകരിക്കാനെത്തിയ ടെലിവിഷൻ മാധ്യമപ്രവർത്തകരായിരുന്നു യാനിയുടെ ആദ്യ അറബി ഗുരുക്കൻമാർ. അവർ പറയുന്നത് ഏറ്റുപറയുന്ന യാനിയുെട വീഡിയോ ൈവറലായിട്ടുണ്ട്.
സൗദിയിലേക്കുള്ള യാത്ര തെൻറ ജീവിതത്തിെൻറ അവിസ്മരണീയ അനുഭവമായിരിക്കുമെന്ന് നേരത്തെ തന്നെ യാനി അഭിപ്രായപ്പെട്ടിരുന്നു. അമേരിക്കയിലെ ഫ്ലോറിഡയിൽ നിന്നാണ് യാനി എത്തുന്നത്. ഫ്ലോറിഡ വിമാനത്താവളത്തിൽ വെച്ച് ട്വിറ്ററിൽ അദ്ദേഹം ഇങ്ങനെ സന്ദേശം പോസ്റ്റ് ചെയ്തു: ‘സൗദിയിലേക്ക് പറക്കാൻ ഒരുങ്ങിക്കഴിഞ്ഞു. ചരിത്രം ചുരുൾ നിവരുന്നതിന് സാക്ഷികളാകാൻ പോകുകയാണ് നമ്മൾ. ലോകത്തെ മറ്റെന്തിന് പകരവും ഇൗ അവസരം നഷ്ടപ്പെടുത്താൻ ഞാനില്ല. ആദ്യം ജിദ്ദയിലേക്ക്’. വിമാനത്തിനുള്ളിൽ നിന്ന് മകൾക്കൊപ്പം അടുത്ത സന്ദേശം: ‘അവിശ്വസനീയമായൊരു യാത്ര തുടങ്ങുകയായി’.
ജനറൽ എൻറർടൈൻമെൻറ് അതോറിറ്റിയുടെ പ്രത്യേക ക്ഷണപ്രകാരമാണ് യാനി സൗദിയിലെത്തുന്നത്.
രണ്ടാഴ്ച മുമ്പ് പരിപാടി ആദ്യമായി പ്രഖ്യാപിച്ചതിന് പിന്നാലെ മുഴുവൻ ടിക്കറ്റുകളും വിറ്റഴിഞ്ഞിരുന്നു. വ്യാഴം, വെള്ളി ദിവസങ്ങളിലാണ് ജിദ്ദയിലെ കച്ചേരി. റാബിഗിലെ കിങ് അബ്ദുല്ല ഇകണോമിക് സിറ്റിയിൽ 8.30 ന് പരിപാടി തുടങ്ങും. ഡിസംബർ മൂന്നിനും നാലിനുമാണ് റിയാദിൽ. റിയാദ് ഇൻറർനാഷനൽ കൺവെൻഷൻ സെൻററിലാണ് ആദ്യം പരിപാടി പ്രഖ്യാപിച്ചിരുന്നതെങ്കിലും സംഗീതപ്രേമികളുടെ അഭൂത പൂർവമായ പ്രതികരണത്തെ തുടർന്ന് കൂടുതൽ ആൾക്കാരെ ഉൾക്കൊളാൻ പ്രിൻസസ് നൂറ ബിൻത് അബ്ദുറഹ്മാൻ യൂനിവേഴ്സിറ്റിയിലേക്ക് മാറ്റിയതായി സൂചനയുണ്ട്. കൂടാതെ, കിഴക്കൻ മേഖലയിലെ ആരാധകർക്കും യാനിയെ കാണാൻ അവസരമൊരുകയാണ്.
ആദ്യഘട്ടത്തിൽ പദ്ധതിയിൽ ഇല്ലാതിരുന്ന ദമ്മാമിലാണ് ഒടുവിൽ കച്ചേരിക്ക് വേദിയൊരുങ്ങുന്നത്. ദഹ്റാനിലെ കിങ് അബ്ദുൽ അസീസ് സെൻറർ േഫാർ വേൾഡ് കൾച്ചറിൽ ഡിസംബർ ആറ്, ഏഴ് തിയതികളിലാണ് യാനിയെത്തുക. കഴിഞ്ഞവർഷം സൽമാൻ രാജാവ് ഉദ്ഘാടനം ചെയ്ത കിങ് അബ്ദുൽ അസീസ് സെൻററിൽ നടക്കുന്ന ഏറ്റവും വലിയ പരിപാടിയാകും ഇത്. നാലു പതിറ്റാണ്ട് നീണ്ട സമ്പന്നമായ സംഗീത ജീവിതത്തിലെ ഏറ്റവും മികച്ച സൃഷ്ടികളാകും യാനി സൗദിയിലെ ആരാധകർക്കായി അവതരിപ്പിക്കുക. ഒരേ സമയം 15 സംഗീതകാരൻമാർ വേദിയിലുണ്ടാകും.
താജ്മഹൽ, ചൈനയിലെ ഫോർബിഡൻ സിറ്റി, റഷ്യയിലെ ക്രെംലിൻ, ലെബനാനിലെ പൗരാണിക നഗരം ബിബ്ലോസ്, കാർത്തേജ്, ഇൗജിപ്തിലെ പിരമിഡ്, അമ്മാൻ സിറ്റാഡൽ തുടങ്ങി അസംഖ്യം ചരിത്രവേദികളിൽ സംഗീത വിസ്മയം തീർത്തിട്ടുള്ള യാനി പേക്ഷ, സൗദിയിലേക്കുള്ള വരവിനെ അതിനൊക്കെ മുകളിലായാണ് പരിഗണിക്കുന്നത്. ആ ചരിത്ര നിമിഷത്തിന് സാക്ഷിയാകാൻ, പതിവില്ലാത്ത വിധം മകൾ ക്രിസ്റ്റൽ ആനും കൂടെക്കൂടിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.