ഐശ്വര്യ കേരള യാത്രയിൽ മുനീറില്ല; പരസ്യവിമർശനവുമായി യൂത്ത്​ ലീഗ്​

കോഴിക്കോട്​: രമേശ് ചെന്നിത്തല നയിക്കുന്ന യു.ഡി.എഫി​‍െൻറ ഐശ്വര്യ കേരള യാത്രയിൽ പ്രതിപക്ഷ ഉപനേതാവ്​ ഡോ. എം.കെ മുനീറിനെ തഴഞ്ഞതിനെതിരെ യൂത്ത്​ ലീഗ്​ സംസ്​ഥാന സെക്രട്ടറിയുടെ പരസ്യവിമർശം. പ്രതിപക്ഷ നേതാവ് രമേശ് ചെന്നിത്തലയാണ് ക്യാപ്റ്റൻ, സ്വാഭാവികമായും പ്രതിപക്ഷ ഉപനേതാവും മുസ്​ലിം ലീഗ് നിയമസഭാ പാർട്ടി ലീഡർ ആയ ഡോ. എം.കെ. മുനീറിനെ ജാഥയുടെ ഉപനായകൻ ആക്കിയില്ലെങ്കിലും കോ-ഒാർഡിനേറ്റർമാരിലെങ്കിലും ഉൾപ്പെടുത്തേണ്ടതല്ലേ എന്ന്​ ആഷിഖ്​ ചെലവൂർ ഫേസ്​ബുക്കിലൂടെ ചോദിച്ചു.

ഐശ്വര്യ കേരള യാത്ര പോസ്​റ്ററിൽ മുനീർ ഇല്ല. ഹൈദരലി ശിഹാബ് തങ്ങളുടെ ചിത്രം വെക്കേണ്ട സ്ഥാനത്തല്ല വെച്ചത്. കഴിഞ്ഞ നാലര വർഷക്കാലം പ്രതിപക്ഷനിരയിൽ ശക്തമായ സാന്നിധ്യവും പോരാട്ടവും നടത്തിയ മുനീറിനെ ഉൾക്കൊള്ളിക്കാതിരിക്കുന്നത് അനീതിയാണെന്നും യൂത്ത്​ ലീഗ്​ സംസ്​ഥാന സെക്രട്ടറി കുറ്റപ്പെടുത്തി.