You are here

പെണ്ണിന്‍റെ പ്രണയവും തിരസ്​കാരങ്ങളും -Movie Review

mayanadi Movies Review

പുഴയായൊഴുകുന്ന പ്രണയത്തിന്‍റെ പേരാണത്രെ മായാനദി. പ്രണയ വർണങ്ങളിൽ ഏറ്റവും നിഗൂഢമായ പെൺ കാമനകളുടെ ലോകത്തിനും മായാനദിയെന്ന്​ പറയാം. സ്വർഗത്തിൽ നിന്നുദ്​ഭവിച്ച്​ ശാദ്വലഭൂമികകളിലൂ​െട സഞ്ചരിച്ച്​ അനശ്വരമായൊഴുകുന്ന തെളിനീരുറവ മോഹിക്കാത്തതാരാണ്​. ശ്യം പുഷ്​കരനും ദിലീഷ്​ നായരും ചേർന്നെഴുതി ആഷിക്​ അബു സംവിധാനം ചെയ്​ത 'മായാനദി' പ്രണയം നിറഞ്ഞൊഴുകുന്നൊരു പുഴയാണ്​. അപ്പുവും മാത്തനും ഒന്നായും വേറിട്ടും ഒഴുകിയൊഴുകിയങ്ങനെ...

mayanadi Movies Review

പ്രണയത്തിന്‍റെ എത്രയെത്ര നിറഭേദങ്ങളാണ്​ സിനിമകളിൽ വർണ്ണ ചിത്രങ്ങളൊരുക്കിയിട്ടുള്ളത്​. ഇതിൽ ഭൂരിഭാഗവും പുരുഷന്‍റെ ഭാവനകളായിരുന്നു. മായാനദി ഇത്തരം കാഴ്​ചകളിൽ നിന്ന്​ അൽപം വ്യത്യസ്​ഥമാണ്​. രണ്ട്​ പുരുഷന്മാരുടെ എഴുത്തിലൂടെയാണ്​ സിനിമ സാന്ദ്രീകരിക്കപ്പെടുന്നതെങ്കിലും മലയാളത്തിൽ അത്ര സാധാരണമല്ലാത്ത നവഭാവുകത്വം മായാനദിയിലുണ്ട്​. അപ്പുവെന്ന അപർണയാണ്​ സിനിമയു​െട കേന്ദ്രം. അവളുടെ പ്രണയവും തിരസ്​കാരവും തന്നെയാണ്​ സിനിമയിൽ പ്രസക്​തമായിട്ടുള്ളത്​.

mayanadi Movies Review

തന്‍റെ പ്രണയിയായ മാത്തനെന്ന മാത്യൂസിനേക്കാൾ പക്വമാണ്​ അവളുടെ ചിന്തകൾ. തന്‍റെ ശരീരത്തിലും ചിന്തകളിലും ഒരുവിധ അധിനിവേശവും അവൾ വകവച്ച്​ കൊടുക്കുന്നില്ല. പ്രണയത്തിലെ വിശ്വാസത്തിനെ പറ്റി ജാഗരൂകയാണവൾ. അത്​ തകർന്നാൽ ബന്ധം തുടരുക അത്ര എളുപ്പമല്ലെന്നവൾ സുവ്യക്​തമായി പറയുന്നുണ്ട്​. തന്‍റെ ശരീരത്തിലൂടെ മനസിലേക്ക്​ കടന്നു കയറാമെന്ന പുരുഷ മോഹങ്ങൾക്ക്​ മുന്നിലും ധീരമായ 'നോ' പറയാനവൾക്ക്​ കഴിയുന്നുണ്ട്​. ചുരുക്കത്തിൽ പുരുഷാധിപത്യം മനോനിലയായി കൊണ്ടു നടക്കുന്ന പെണ്ണിനൊരപവാദമാണ്​ അപർണ​.

mayanadi Movies Review

ദൃശ്യങ്ങളിൽ പതിഞ്ഞ താളമാണ്​ മായാനദിക്ക്​. സിനിമക്കുള്ളിലേക്ക്​ കയറാനായില്ലെങ്കിൽ ഇഴച്ചിൽ അനുഭവപ്പെടാൻ സാധ്യതയുണ്ട്​. പക്ഷെ നദിയിലേക്കിറങ്ങിയാൽ ആ അലസ താളത്തിൽ ഒഴുകിയങ്ങനെ നീങ്ങാനാകും. ഡയലോഗുകൾ സ്വാഭാവികമാണ്. മധ്യവർഗ ​പൊങ്ങച്ചങ്ങളും ആർത്തികളും യഥേഷ്​ടം പ്രശ്​നവൽക്കരിക്കപ്പെടുന്നുണ്ട്​ സിനിമയിൽ. ആത്​മഗതങ്ങൾക്കു​ േപാലും അർഥം കടന്നുവരുന്നത്​ സിനിമയെ ഏറെ സ്വാഭാവികമാക്കുന്നു. ദൃശ്യങ്ങളിലും പ്രമേയങ്ങളിലും ഇൗ നൈസർഗികത ആകർഷകമായി ഉൾ​ച്ചേർന്നിരിക്കുന്നു. എത്ര അനായാസമാണ്​ ചുംബന രംഗങ്ങൾ പോലും മായാനദിക്കുള്ളിലെത്തുന്നത്​. കാഴ്​ച്ചകളെ അസ്വസ്​തപ്പെടുത്താത്തവണ്ണമുള്ള പ്രമേയ ഭദ്രതയും ദൃശ്യങ്ങളും മായാനദിക്ക്​ മുതൽക്കൂട്ടാണ്​. 
mayanadi Movies Review

മാത്യൂസായി ടോവിനൊയും അപർണയായി ​െഎശ്വര്യ ലക്ഷ്​മിയും നിറഞ്ഞു​ നിൽക്കുകയാണ്​ സിനിമയിൽ. ടൊവിനോയിലെ നട​ൻ കൂടുതൽ പ​ക്വത ആർജിച്ചിട്ടുണ്ട്​. അപർണ ​െഎശ്വര്യയുടെ കൈകളിൽ ഭദ്രമാണ്​. റെക്​സ്​ വിജയന്‍റെ സംഗീതം അത്ര കേമമല്ലെങ്കിലും സിനിമക്ക്​ ചേരുന്നത്​. ബേസിൽ ജോസഫും ​ഷൈൻ ടോം ചാക്കോയും ലിജോജോസ്​ പെല്ലിശേരിയും അപർണ ബാലമുരളിയുമൊക്കെ സിനിമയിൽ അൽപ്പാൽപ്പം വന്നു പോകുന്നുണ്ട്​. മായാനദിയിലെ കാഴ്​ച്ചകളേക്കാൾ പ്രസക്​തമാകുന്ന ചില ശബ്​ദങ്ങളുണ്ട്​. ഞെട്ടലുണ്ടാക്കുന്ന ചില വെടിയൊച്ചകളാണത്​.
mayanadi Movies Review
നമ്മെ സ്​തബ്​ദരാക്കുന്ന ആ ശബ്​ദങ്ങൾക്കൊടുവിൽ വിഷാദം അണപൊട്ടിയൊഴുകിയേക്കാം. പ്രണയഭരിതമായ ജീവിതങ്ങൾ നൽകുന്ന വേദനകളാണത്​. ഒറ്റുകൊടുക്കാനാകില്ലെന്ന്​ അ​ത്രമേൽ ആത്മാർഥമായി പരസ്​പരം വിശ്വസിക്കുന്നരുടെ ജീവിതമെന്ന നിലയിൽ മായാനദി കാണിയുടെ ഉള്ളിലും നൊമ്പരം പടർത്തിയേക്കാം. തേച്ച പെണ്ണിന്‍റെ ചരിത്രം ​ഇതിഹാസങ്ങളായി അടയാളപ്പെടുത്തപ്പെട്ട കാലത്ത്​ മാത്തന്‍റെ തിരിച്ചറിവുകളും അപർണയുടെ കാത്തിരിപ്പും നൽകുന്ന പ്രതീക്ഷ ചില്ലറയല്ല.
COMMENTS